Nga sot, 1500 banorë të bllokuar në fshatin Qeha, të Njësisë Administrative Petrelë, për shkak të shembej së urës nga përmbytjet e pak ditëve më parë, do të qarkullojnë normalisht. Kjo pasi bashkia e Tiranës në bashkëpunim me ushtrinë shqiptare kanë bërë të mundur ndërtimin e urës së shembur, e cila lidh 4 fshatra me pjesën tjetër të Tiranës.
“Më vjen mirë që për 1500 banorë të zonës, fillimi i vitit vjen me një zgjidhje të re për këtë situatë. Ura lidh 4 fshatra me pjesën tjetër të Tiranës nga marrin shërbimet, shkohet në shkollë dhe te mjeku. Besoj se nuk ka mënyrë më të mirë për të filluar këtë vit për 1500 familjet e këtyre fshatrave”, u shpreh Veliaj gjatë inspektimit të kësaj ure sëbashku me ministren e Mbrojtjes Mimi Kodheli.
Veliaj tha se ura ishte shkatërruar jo vetëm nga përmbytjet por edhe prej masakrës urbane që është bërë nga gërryerja e shtretërve të lumenjve dhe këmbëve të urave, pa menduar për dëmin e shkaktuar. Ai falenderoi ministren e Mbrojtjes dhe ushtrinë shqiptare për kontributin e dhënë mbi përballimin e pasojave të përmbytjeve nga reshjet e mëdha të shiut.
“Bashkia e Tiranës, por edhe bashkitë e tjera, ndoshta të papërgatitura për përballimin e situatave të këtyre përmasave, në kushtet e një sjellje ekstreme të natyrës, gjetën mbështetje te ushtria shqiptare dhe u jam shumë mirënjohës kolegëve edhe miqve të ushtrisë”, u shpreh Veliaj, teksa shtoi se dëme nga përmbytjet pati në urën e Zall-Bastarit, si dhe në disa zona të malësisë së Tiranës, apo në Mullet dhe Petrelë.
Nga ana tjetër, Kodheli tha se bashkëpunimi me pushtetin lokal po jep frytet e veta.
"Ndarja e re administrative dhe bashkëpunimi me pushtetin lokal po jep frytet e veta. Suksesi qëndron te ky bashkëpunim. Bashkëpunimi i Forcave të Armatosura në këtë rast, sidomos me Bashkinë e Tiranës, filloi herët. Bashkërisht kemi bërë pastrime masive, e kemi qenë pranë qytetarëve edhe në rastet e përmbytjeve”, tha Kodheli ndërsa garantoi shfrytëzimin e të gjitha burimeve të qeverisë për të përballuar emergjencat në vend.
“Fakti që vetëm në Bashkinë e Tiranës janë ndërtuar 3 ura (Zall-Bastar, Qeha dhe Ferraj), tregon për punën e jashtëzakonshme të bërë natën dhe ditën në shërbim të qytetarëve”, u shpreh Kodheli, duke falënderuar të gjithë ata që kanë punuar në kushte të vështira në shërbim të qytetarëve.
Redaksia Online
(u.s/shqiptarja.com)
Sondazhi i ditës:
Organet e drejtësisë refuzojnë komisionin 'Antikorrupsion', si e vlerësoni?
-
Të drejtë
40.3%
-
Të gabuar
54.7%
-
Nuk e di
5.1%
Vota total: 4482
Votat totale janë unike
Lajme të tjera
-
Pogradec/ Rrugët kryesore të qytetit nën ujë, dy akset nacionale 'pushtohen' nga mjegulla
4 Tetor, 21:06
-
Me urinë, gjysmë domate për 4 ditë, 1 gisht bukë, shtatzënë, mbijetova në Korrik 1990 në Ambasadën Gjermane! Angjelina Schwenk
4 Tetor, 21:05
-
Frontex akuzohet për operacione ilegale ndaj emigrantëve, i larguan me forcë nga ujërat e BE-së
4 Tetor, 20:51
-
Mero Baze: Urdhëdhënësi i 21 janarit dhe ata që po “kujtohen” se Basha ka qenë ministër
4 Tetor, 20:50
-
Përmbytjet në Vlorë, mblidhet shtabi i emergjencës, Dredha: Me natyrën nuk bëjmë dot garë! Reshjet brenda 2 orëve ishin sa prurjet gjatë vjeshtë-dimër
4 Tetor, 20:42
-
Lajçak: Prioritet në rajon, normalizimi i marrëdhënieve Kosovë-Serbi dhe Kushtetuta e Bosnjës
4 Tetor, 20:36
-
Studio Live/ Pensionet Shqipëri-Itali, Ekspertët: Politika italiane është ndërgjegjësuar për kontributin e shqiptarëve! Trajtim i barabartë
4 Tetor, 20:26
-
Një tjetër zyrtar serb i sanksionuar nga SHBA-ja do ta vizitojë Rusinë
4 Tetor, 20:24
-
Shkodër/ Hapet tenderi 11 milion euro për Uren e Bahcallekut deri tek harku i Bërdicës
4 Tetor, 20:14
-
Gjendet i pajetë 40- vjeçari në aksin Korçë-Pogradec, përplaset nga një mjet! Shoferi largohet nga vendi i ngjarjes
4 Tetor, 19:57
-
Moti i keq lë Pogradecin në errësirë, shkëputet energjia nga linja e tensionit të lartë! Shkak rrufetë
4 Tetor, 19:43
-
Përmbytet Vlora, kryebashkiaku Dredha: Situata ka qenë realisht alarmante! Familjet e evakuara strehohen në konvikt! Shpresojmë që reshjet të mos bien sërish me intensitet
4 Tetor, 19:32