TIRANË - Ndërtimi i Teatrit Kombëtar do të mbyllet brenda vitit 2025. Në mbledhjen e fundit të Këshillit Bashkiak për këtë vit, Veliaj theksoi se Tirana ka humbur shumë vite me debatin për teatrin dhe se ai është i vendosur që ta ndërtojë atë.
“Për Teatrin Kombëtar, siç e patë, filluam punën. Po përgatitet terreni përpara se të fillojnë sondat e të bëjnë shpimet për të projektuar themelet. Një debat i cili na mori shumë kohë, një debat që ka filluar që në vitin 1998, 24 vite, ashtu sikurse na mori 17 vjet sheshi “Skënderbej”, filloi në 2000-in, mbaroi në 2017-ën me administratën tonë. Na mori 3 vjet vetëm një segment i Unazës së Madhe te “Astiri”. Na mori 7 vite “Bulevardi i Ri”. Na mori 2 vite “Pazari i Ri”. Na mori 1 vit këndi i lodrave. Po t’i mbledhësh të gjithë këto vite bashkë, beson se hyn te një moshë 100-vjeçare, po t’i mbledhësh si vite jete që ty të kanë kaluar me këto debate. Duhet të pranojmë që ne jemi kampionë në shumë të mira, por jemi kampionë edhe në një humbje spektakolare të kohës. Kështu që jam i vendosur që ne të vazhdojmë me projektin e Teatrit Kombëtar dhe në këtë afat 2023-205 të mbyllim atë projekt””, tha Veliaj.
Duke folur për investimet strategjike në Tiranë, Kreu i Bashkisë foli edhe për transformimin e Piramidës si qëndrën më të madhe të inovacionit në Ballkan.
“Pjesë e këtij plani strategjik është Piramida e Tiranës, që ne do ta mbyllim Pranverën tjetër. Një fokus te digjitalizimi: Pra jo vetëm start të barabartë për të gjithë, por një start më të mirë se të tjerët. Shkolla jo vetëm më të mira, por shkolla ku mësohet Inteli, ku mësohet inteligjenca artificiale, siç janë 10 gjimnazet ku ka filluar kompania “Intel”, ku kurset e Tumo-s bëhen standard, ku nga 1 mijë fëmijë shkojmë në 5 mijë fëmijë në muaj tek Piramida për kurse të tilla, edhe ku punët siç po shohim në këtë qytet paguhen mirë, si tek “Lut’hansa”, “Inteli”, “Ritech” dhe shumë prej kompanive që janë transferuar në Tiranë”, deklaroi Veliaj.
Veliaj shprehu vendosmërinë e tij edhe për të vijuar projektet strategjike, si zgjerimi i Unazës së Madhe të Tiranës dhe projektin e shtratit të lumit Lana. Në mbledhjen e Këshillit Bashkiak, Veliaj tha se pavarësisht histerisë së Sali Berishes dhe Ilir Metës, koha tregoi se ku ka ndërhyrë bashkia, është rritur vlera e pronës së qytetarëve.
“Kush përfaqëson njësinë 2 dhe 3 e ka parë se çfarë transformimi i ka sjellë zgjatja e lumit nga Materniteti deri në Shkozë, një tjetër projekt që mori gjysmën e rinisë sonë, 15-20 vjet, me sherre e shamata çdo gjë. Ja ku është sot! Është rritur vlera e pronës, është bërë lidhja me autostradën në Shkozë, del menjëherë në Farkë. Do bëjmë të njëjtën gjë, pavarësisht se edhe aty do plasë histeria. Jam i sigurt, Iliri dhe Saliu vetëm këtë dinë të bëjnë, të bllokojnë e të gjejnë ndonjë gjë, të kapen si hienat pas kockave, por jam i vendosur që të vijojmë me zgjerimin e lumit Lana dhe zgjerimi nënkupton nga Pallati me Shigjeta, rrugë me tre korsi, korsi e dedikuar ekstra për autobusët e biçikletat, pra 5 korsi në total dhe vazhdon nga Pallati me Shigjeta nëpërmjet Astirit ckryqëzohet me Unazën dhe mbaron në zonën që njihet si zona e Top Channel në Kashar, aty ku pastaj bashkohet sërish me autostradën Tiranë – Durrës”, tha Veliaj.
Lidhur me Unazën e Tiranës, Veliaj u shpreh se po punohet në të 7 lotet e saj.
“Vazhdimi i Unazës, jam mëse i vendosur që ajo punë që i përket Bashkisë, duke qenë se qeveria tashmë ka miratuar të gjithë gjurmën dhe ne 7 lotet po punohet, bashkia bën pjesën e lidhjeve dhe degëzimet me lagjet, që asnjë lagje të mos ndihet e ndërprerë prej autostradës, por përkundrazi të përfitojë prej lidhjes me autostradën. Ju garantoj se nuk do pres më 3 vjet si në kohën e Astirit. Vendimet merren nga një shumicë, për sa kohë që njerëzit kompensohen, u jepet shtëpi ose para, kur i kanë banesat me leje e të legalizuara, atëherë qyteti duhet të vazhdojë përpara”, tha ai
Kryebashkiaku i Tiranës preku dhe çështjen e projektit tek zona e njohur si “5 Maji” dhe ajo në Kombinat, duke ironizuar krerët e opozitës: “Nuk e kuptoj, njerëz që kanë qenë presidentë e kryeministra, që ëndërrojnë të bëhen brigadierë të komunales. Pse dikush duhet ta lërë karrierën , reputacionin, emrin dhe votat në rrënoja pallatesh që janë shpallur nga Instituti i Ndërtimit të pabanueshme?!”.
Teksa foli për investimet, Veliaj foli dhe për zonën e teknologjisë dhe zhvillimit Ekonomik TEDA në zonën e Kasharit, si dhe për projektet e mëdha në infrastrukturën sportive.
“Ne do hapim këtë vit disa gara. Një ka të bëjë me transformimin e Pallatit të Sportit “Asllan Rusi”. E sigurt që edhe aty do plasë histeria. Kanë qenë hangaret e Italisë, pra nuk është ndërtuar tamam si dopo lavoro e teatrit, që ishte një vend argëtimi për ushtrinë fashiste në Tiranë. Të njëjtën gjë duam të bëjmë me stadiumin “Selman Stërmasi”. Mjafton të shohësh se çfarë ekonomie ka gjeneruar stadiumi i ri me hotelin, me dyqanet, me lokalet, restorantet, zyrat e Lufthansa, Tumo, në njësinë nr.2, për të kuptuar se çfarë potenciali ka transformimi i asaj zone të Tiranës së Re”, deklaroi Veliaj.
Kryetari i Bashkisë së Tiranës, Erion Veliaj komentoi në mbledhjen e sotme të Këshillit Bashkiak edhe deklaratën e Belind Këlliçit për qytetarët që kanë ardhur në Tiranë. Veliaj e cilësoi deklaratën raciste dhe rikthim në mesjetë.
“Debati më i shëmtuar që ndodh dhe që do e dëgjoni këto 4 muaj, është ky debati ‘kush është vendali dhe kush është i ardhur’. Një debat patetik. Sulmi më i madh politik që i bëhet kryetarit të bashkisë, është: “Ti je nga Berati, a nga Vlora, a nga Ura Vajgurore”. Unë besoj se njerëzit që vijnë nga rrugëtime të ndryshme e pasurojnë jetën e qytetit, sjellin ide të ndryshme, vijnë me dëshirën për t’ia dalë. Por ta vazhdosh këtë debat në vitin 2022 dhe të shikosh Primare, ku gara kryesore është kush fyen më shumë ata që vijnë nga rrethe të tjera, më duket e pabesueshme. Një rikthim në mesjetë. Të mendosh që partitë e këtyre Primareve drejtohen nga njëri që ka ardhur nga Tropoja dhe njëri që ka ardhur nga Skrapari. Unë besoj se është e tmerrshme të jesh racist origjinal, po është akoma më e tmerrshme të jesh vetë i konvertuar, pra vetë të jesh i ardhur dhe të bëhesh racist me të tjerët. Kjo është dy herë më e dhimbshme”, deklaroi Veliaj.
Komente
Lajme të tjera
-
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Vrasja e Klaudio Prendit/ Ishte në kafe me 3 policë, njëri ndoqi mjetin e autorëve pas ekzekutimit! Vrasësit me 'Audi A4' vëzhguan zonën para krimit
22 Nëntor, 10:47 -
Vrasja e Martinit, 'arrest me burg' 14 vjeçarit, gjyqi mbahet në spital! I mituri s'tregon ku fshehu thikën: S'mbaj mend çfarë ndodhi! Hetohet kush e ndihmoi
22 Nëntor, 09:36
Me piramiden ia keni fut kot, ne vend te restaurohej dhe te behej muze, percudnohet. Gjynof
PërgjigjuE Veliaj ështé hiena antikombëtare ështé krimineli nr 1 i Tiranës
PërgjigjuI ARDHUR JE O MASKARA ,,,PO TE MOS ISHE I ARDHUR NUK DO E KISHE BERE TIRANEN SI HALE,,,ME PALLATE QE PO NDERTOHEN NE SHESHET PARA PALLATEVE...// POR SHPEJT DO E MARRESH PERGJIGJEN NGA POPULLI I TIRANES.....
Përgjigju