POP 5

Lajmet më të lexuara të 5 minutave të fundit

Tirana

Veliaj: Kompani gjermane zgjedhin Tiranën për investime në teknologji! Fleckenstein: Impresionues zhvillimi i qytetit

Kryebashkiaku u shpreh se ambicia e Tiranës është të jetë Kryeqyteti Evropian i Rinisë në Teknologjinë e Informacionit.

Veliaj: Kompani gjermane zgjedhin Tiranën për investime në teknologji! Fleckenstein: Impresionues zhvillimi i qytetit

Kryetari i Bashkisë së Tiranës, Erion Veliaj priti në një takim ish-eurodeputetin, njëherazi dhe raportuesin për Shqipërinë, Knut Fleckenstein. Teksa mori prej kryebashkiakut Veliaj edhe logon simbol të 100-Vjetorit të Tiranës Kryeqytet, Fleckenstein u shpreh i impresionuar të shohësh sesi po zhvillohet qyteti.

“Është impresionuese të shohësh sesi po zhvillohet ky qytet dhe 100-vjetori i shpalljes kryeqytet është një gjë, por të organizosh të gjitha këto, është një arritje e pamatë që ju e bëni në përditshmëri. Jam i lumtur që jam një mik i këtij qyteti dhe një mik juaji”, deklaroi ai.
 
Kryebashkiaku Veliaj vlerësoi ish eurodeputetin Fleckenstein për përpjekjen e bërë dhe lobimin që Shqipëria të bëhet vend i denjë për Bashkimin Evropian. “Jam i lumtur që një mik i Tiranës, një mik i Shqipërisë, miku ynë Knut Fleckenstein, është rikthyer në Tiranë, siç thotë shpesh edhe kryeministri ynë: ‘Ky është një qytet që në fillim i reziston, por pasi vjen, nuk i largohesh kurrë dhe kthehesh pavarësisht punës që ke’. Jam shumë i lumtur që ai është me ne, për të avancuar kauzat progresiste, ato ku besojmë, për një shoqëri më të mirë, për punësimin e të rinjve. Ndaj, në emër të të gjithë qytetarëve tanë e falënderova me zemër për kontributin që ka dhënë për ta shtyrë dhe lobuar që Shqipëria të bëhet vend i denjë për BE”, theksoi Veliaj. 
 
Kreu i Bashkisë njohu politikanin gjerman me hapat që po ndërmerr qyteti në çështjet e punësimit dhe të rritjes së ekonomisë. Veliaj u shpreh se gjithnjë e më shumë kompani të njohura gjermane po investojnë në vendin tonë, veçanërisht në fushën e teknologjisë. “Të dy biem dakord se qytetet po lëvizin gjithmonë e më shumë në çështjet e punësimit, ekonomisë, të promovimit të turizmit, ndaj besoj se Tirana mund të marrë shumë shembuj nga qytete të ndryshme gjermane, qoftë nga Hamburgu, apo nga qytete të tjera, të cilat po bëjnë sot inovacione të jashtëzakonshme. Jam shumë i lumtur që kompani gjermane si Lufthansa - Softëare, kanë zgjedhur Tiranën për të bazuar të ardhmen e tyre të kodimit, duke punësuar djem edhe vajzat tona, që vijnë nga teknologjia e informacionit, shpresa jonë e përbashkët është që Tirana të krijojë gjithmonë e më shumë hapësira për këta të rinj”, tha Veliaj.
 
Kryebashkiaku u shpreh se ambicia e Tiranës është të jetë Kryeqyteti Evropian i Rinisë në Teknologjinë e Informacionit. “E informova për dy akademitë që po hapim me AADF-në këtë vit, si për fëmijët  te Piramida, ashtu edhe për të më të rriturit tek “Protiku”; besoj që do jemi në 2022 jo vetëm Kryeqyteti Evropian i Rinisë, por edhe Kryeqyteti Evropian i Rinisë në teknologjinë e informacionit, diçka që ndoshta do të na shquajë nga të tjerët, veç gjithë të mirave që ky qytet ka, si diellin, ushqimin, ngrohtësinë dhe mikpritjen”, nënvizoi kreu i Bashkisë, bën të ditur zyra e shtypit pranë këtij institucioni.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • nori: 23/02/2020 17:32

    MOR FLEKENSHTAIN ,,po te doje zhvillimin e shqiperise nuk I merrnit njerezit nga shqiperia me viza dhe te lini pleqte pa asnje ndihme….///

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Realizohet me sukses teleportimi i parë kuantik, na afron më shumë me të ardhmen!

Realizohet me sukses teleportimi i parë kuantik, na afron më shumë me të ardhmen!

25 Dhjetor, 21:44