POP 5

Lajmet më të lexuara të 5 minutave të fundit

Sociale

Veliaj në festimet për 60 vjetorin e shkollës: Rindërtimi i ‘Sami Frashërit’, emocioni më i madh që kam përjetuar si kryetar i Bashkisë së Tiranës

Kryebashkiaku i Tiranës, Erion Veliaj mori pjesë në 60 vjetorin e hapjes së një prej shkollave ikonike të Tiranës, gjimnazit “Sami Frashëri”, ditë e cila përkon edhe me rindërtimin nga e para të kësaj shkolle

Kryebashkiaku i Tiranës, Erion Veliaj mori pjesë në 60 vjetorin e hapjes së një prej shkollave ikonike të Tiranës, gjimnazit “Sami Frashëri”, ditë e cila përkon edhe me rindërtimin nga e para të kësaj shkolle.

Erion Veliaj risolli disa prej kujtimeve të tij, kur ishte nxënës në këto banka, kur tha se rindërtimi i kësaj shkolle, një prej më moderneve në Shqiperi, ka qenë një emocion i veçantë per të si kryetar i Bashkisë. 

“Kisha kohë pa përjetuar kaq shumë emocione, përqafime, kujtime, një retrospektivë e gjithë jetës, të atyre viteve të vështira ‘94 – ‘98, të atyre ndryshimeve të mëdha, të një Tirane që ziente, por unë sot jam shumë mirënjohës dhe krenar që të them jam ‘Samist’ dhe mezi e kam pritur këtë ditë, që t’ju shoh të gjithëve bashkë, nga gjithë brezat e nxënësve, mësuesve,” u shpreh Veliaj.

Veliaj tha se emocioni i ndërtimit të kësaj shkolle ka qenë më i madhi ndër veprat publike ku ka ndërhyrë Bashkia e Tiranës.

“Emocion më të fortë, më të bukur dhe më të madh se rindërtimi i ‘Sami Frashërit’ s’e kisha përjetuar kurrë. Faleminderit që ma dhatë këtë privilegj për shkollën tonë, e shpresoj që jo vetëm kjo ditëlindje e 60-të, por edhe e 160-ta e më tej, të jenë kujtime të bukura të një shkolle që, ndoshta ka lënë më shumë gjurmë në të gjithë historinë e Shqipërisë se çdo shkollë tjetër në Republikë”, tha ai.

Veliaj shprehu mirënjohjen për të gjithë brezat e mësuesve të shkolles, një pjesë e të cilëve sot nuk jetojnë më, ndërsa u shpreh se prej saj kanë dalë edhe plot emra personalitetesh që e kanë bërë krenar Shqipërinë sot edhe nëpër botë.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06