Veliaj në SHBA, i ftuar në pritjen e gjyqtares së parë shqiptare në Nju Jork

Kryetari i Bashkisë së Tiranës, Erion Veliaj ndodhet në Nju Jork, ku ka marrë pjesë si i ftuar nderi në pritjen e organizuar për emërimin e gjyqtares së parë shqiptaro-amerikane në SHBA, Edit Shkreli.

Përmes një postimi në rrjetet sociale, Veliaj shkruan se ky nuk është vetëm shekulli më i mirë për Shqipërinë deri më sot, por është edhe shekulli i grave të mrekullueshme shqiptare.

“I lumtur që shoh motrën time të vogël, Edit Shkreli, të zgjidhet si gjyqtarja e parë shqiptaro-amerikane në Nju Jork, por edhe si më e reja në moshë. Historia e saj, si një emigrante 13-vjeçare, e cila e nisi çdo gjë nga zero, pas humbjes së babait - duke luftuar, studiuar dhe duke u përpjekur fort - është historia e një Hirusheje të kohës sonë. Ky nuk është vetëm shekulli më i mirë i shqiptarëve deri më sot, por mbi të gjitha është shekulli i grave të mrekullueshme shqiptare si Editi, Mira Murati dhe Ermonela Jaho - e shumë grave të tjera, që frymëzohen prej tyre! FORCA!”, shkruan Veliaj.

LEXO EDHE:
FOTOT/ Kryebashkiaku Erion Veliaj në Paris, takohet edhe me homologun ukrainas Vitali Klitschko

Edit Shkreli, profesoresha dhe avokatja shqiptare më një karrierë të pasur në SHBA, u betua më 9 dhjetor si gjykatësja e parë shqiptare në New York. Ajo është para shqiptare në SHBA që ka një post të tillë.

 

SI.E./Shqiptarja.com

TAG:
• erion veliaj
• edit shkreli