Zëdhënësja e Partisë Demokratike, Ina Zhupa ka publikuar disa dokumente këtë të diel, përmes së cilave pretendon se Erion Veliaj ia ka dhënë parkingjet publike të Tiranës një kompanie offshore. Zhupa shkruan se kjo kompani, "Pay and Go shpk", është paracaktuar muaj më parë, ndonëse Bashkia eTiranës nuk ka komunikuar asnjë vendimmarrje për hapjen e konkurrimit për kompaninë që duhet ta fitonte këtë shërbim.
Sipas saj, kompania e regjistruar në shkurt 2015, krijuar nga shoqëria "UNTAG COMMUNITY”, me seli në Angli dhe Uells në pronësi të një gjeorgjiani, rezulton të jetë një kompani offshore e rregjistruar në parajsë fiskale. Zhupa vijon më tej se shkruari se nga verifikimi i ndërmarrë në disa rrugë kryesore të Tiranës, ku ofrohet parkingu me pagesë, është konstatuar se kompania e ka përgatitur tashmë infrastrukturën e nevojshme për ta ofruar këtë shërbim.
Veliaj nuk i ndahet offshoreve!!! Ja kush është i paracaktuari i Veliajt për ti dhënë parkingjet publike të Tiranës!
Bashkia Tiranë nëpërmjet shoqërisë “Tirana Parking” administron shërbimin e Parkimit Publik me Pagesë në disa rrugë dhe hapësira publike të Tiranës. Aktualisht pagesat per parkingun ne rruget e Tiranës kryhen me ane te sistemit me sms dhe me punonjës të bashkisë. Në mbledhjen e fundit të këshillit bashkiak u vendos dhënia tek një privat për të rritur format e pagesës dhe sigurisht edhe pagesën.
Sipas vendimit, Tirana Parking duhet të hap procedurën konkuruese për përzgjedhjen e fituesit. Ndërkohë fituesi mesa duket është paracaktuar nga Veliaj muaj më parë.
Mesa duket fituesi do jetë kompania: Pay and Go shpk, regjistruar në shkurt 2015, si shoqëri e krijuar nga shoqëria “UNTAG COMMUNITY”, me seli në Angli dhe Uells në pronësi të një gjeorgjiani, e cila rezulton të jetë një kompani OFFSHORE e rregjistruar në parajsa fiskale.
Bashkia ka nisur të vendos tabela informuese pranë automateve të pagesave “Pay and Go Albania” që janë te vendosur ne rruget e Tiranes ku ne tabela shkruhet “ Mund te paguash edhe ketu” (bashkengjitur Foto) Nga verifikimi ne disa rruge kryesore te Tiranes ku ofrohet pakingu me pagesë konstatohet qe kompania ka pergatitur infrastrukturen e nevojshme per te ofruar kete sherbim edhe pse nuk ka akoma asnje vendimarrje nga Bashkia Tirane për hapjen e konkurrimit për kompaninë që duhet ta fitonte këtë shërbim.
Paracaktim fituesi dhe kompani offshore binomi i pandarë i menaxhimit nga Erioni Betoni të qytetit të Tiranës.
Ina Zhupa, Zëdhënëse e Partisë Demokratike
Pas zëdhënëses së Partisë Demokratike edhe Departamenti i Antikorrupsionit në PD, në një reagim në rrjetet sociale, pretendon se kemi të bëjmë me një konçension të bashkisë, ku thekson së përfitues është një kompani pjesë e rrjetit të shoqërive offshore të biznesmenit Besnik Sula.
Ndërkohë kryebashkiaku Erion Veliaj, teksa i përgjigjej liderit të opozitës Lulzim Basha lidhur me akuzat për konçension për këtë shërbim, u përgjigj se nuk bëhet fjalë për asnjë konçension, por vetëm me një alternativë të re për të paguar shërbimin e parkimit. Veliaj theksoi se të gjitha paratë që përfitohen nga parkingjet shkojnë në buxhetin e Bashkisë.
Sipas kreut të Bashkisë së Tiranës do të bëhet e mundur që përveç dy opsioneve, asaj me sms nga telefoni dhe direkt te inspektori përkatës i Tirana Parking, pagesa të bëhet edhe nëpërmjet alternativave të tjera siç janë pajisjet vetëshërbyese “Pay end Go” dhe aplikacione të ndryshme, në vendet e destinuara për parkim. Veliaj shtoi qëllimi i vetëm i saj është lehtësimi i qytetarëve. (Lexo këtu)
Komente
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Vrasja e 14-vjeçarit bëhet ‘mollë sherri’ në Kuvend/ Zhupa: Ministrja e Arsimit të japë dorëheqjen me turp, përgjegjës dhe ai i Brendshëm! Manastirliu: Të mos promovojmë gjuhën e urrejtjes
18 Nëntor, 15:21 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
'Hetimori i Shëndetësisë'/ Beqaj përplaset me Zhupën e Vokshin pas orës 01:00 pas mesnate! Deputetja e PD telefonon Gardën! Detajet e sherrit pasi kamerat u fikën tek kryesia
14 Nëntor, 12:28
-
Zhvendoset në Kuvend debati për Komisionin Hetimor të Shëndetësisë, i mbaron afati! PD: Shtyjeni 3 javë! PS: Teatër
14 Nëntor, 09:13 -
Sherr në orën 1 pas mesnate tek Hetimori i Shëndetësisë/ Beqaj futet në sallë, përplaset me deputetët PD! Zhupa: Po kërcënon! Vokshi: Urgjent kthejeni në burg! Ish ministri - Spahos: Ti mbylle gojën
14 Nëntor, 08:25 -
Hetimori i Shëndetësisë/ Beqaj reagon nga qelia: Deputetët e PD më tallën dhe fyen për mbi 14 orë, s’mund të lejoj nëpërkëmbjen e dinjitetit! S’kërcënova askënd, nuk më lejuan të dëshmoj
14 Nëntor, 08:00 -
‘Hetimori’ i Shëndetësisë, Zhupa për Report Tv: Të pyeten Rama e Vilma Nushi! Ndreca: Show politik, të dëshmojë Beqaj
14 Nëntor, 00:55
Erion Veliaj jep pergjighe per akuzen e PD . Hiqni dire nga kompanite i off shore se populli e di qe jane vatra te korrupsionit shteteror .
Përgjigju