Kryetari i Bashkisë së Tiranës, Erion Veliaj, priti sot në takim grupin parlamentar të miqësisë Francë-Shqipëri, me të cilët bisedoi rreth shtimit të marrëdhënieve në fushën ekonomike, të teknologjisë së informacionit dhe fuqizimin e rinisë.
Kryesuesja e këtij grupi, Mireille Clapot, vlerësoi Tiranën për jetësimin e reformave dhe energjinë e jashtëzakonshme përmes kantiereve të saj të punës. “Tirana përcjell një energji të jashtëzakonshme në të gjitha kantieret e saj, me dëshirën për ndryshime urbane, pa e harruar të kaluarën, por duke u projektuar drejt së ardhmes. Për ne, perspektiva e integrimit të Shqipërisë drejt BE-së është veçanërisht e rëndësishme. Kemi vëzhguar dhe admiruar sesi një kryeqytet i madh po jetëson reformat, por u interesuam veçanërisht për faktin sesi Tirana po përballet me sfida tejet të rëndësishme, siç janë ato ekologjike, të trajtimit të ujërave, të mbetjeve dhe transportit. E të gjitha këto filluan në mënyrë simbolike, me rregullimin e Sahatit të Tiranës”, tha deputetja franceze.
Teksa i dorëzoi znj. Mireille Clapot, Kullën e Sahatit, kryebashkiaku Veliaj u shpreh se miqësia mes dy vendeve do të forcohet edhe më tej vitin e ardhshëm, kur Tirana merr stafetën si Kryeqyteti Europian i Rinisë. “Jam shumë i lumtur që mirëpres në Tiranë një grup deputetësh nga parti të ndryshme franceze, por të bashkuar në miqësinë me Shqipërinë. E vlerësoj jashtë mase që brenda këtij viti, edhe pse me pandeminë dhe shumë vështirësi në lëvizje, kjo miqësi midis Shqipërisë dhe Francës ka qenë prioritet. Mezi pres që ta forcojmë këtë marrëdhënie kur, vitin tjetër, të marrin stafetën si Kryeqyteti Europian i Rinisë, nga një qytet francez”, tha Veliaj.
Ai deklaroi se Franca dhe Shqipëria do t’i shtojnë lidhjet miqësore, jo vetëm në nivelin përfaqësues, por edhe në fushën e biznesit. “Me hapjen e Agjencisë Franceze të Zhvillimit, me të cilën do të kemi një sërë kantieresh, duke filluar nga hoteli pas shpinës time, tek grupet që prodhojnë energji dhe që po na ndihmojnë me menaxhimin e ujit, t’i shtojmë lidhjet edhe në nivelin e menaxherëve dhe kompanive tona sepse formula jonë e miqësisë është një formulë që fitojnë të dyja palët. Mezi pres rikthimin tuaj në Tiranë dhe shpresoj shumë që në disa nisma, si ato për teknologjinë e informacionit dhe fuqizimin e rinisë, të gjejmë një partner ideal tek ju”, theksoi Veliaj.
Gjatë Konferencës së Donatorëve më 17 shkurt 2020 në Bruksel, mes dy vendeve tona, u nënshkrua marrëveshja për fillimin e ushtrimit të aktivitetit të Agjencisë Franceze të Zhvillimit.
Lajme të tjera
-
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17 -
Nga 1 janari 2025 pensionistët do udhëtojnë me abone falas në Tiranë, ja cilët janë përfituesit dhe dokumentet e nevojshme
16 Dhjetor, 22:05 -
Pesë qytetarë betohen për shtetësinë shqiptare, Veliaj: Krenar që i bashkohen energjisë së jashtëzakonshme të Tiranës
16 Dhjetor, 18:08 -
Esencë në REPORT TV, 42 kryetarët e Bashkisë së Tiranës, zgjedhjet, akuzat dhe historitë e tyre tragjikomike!
15 Dhjetor, 22:32
-
Botërori i Skive/ Veliaj pret Colturin: 2024 viti i rekordeve! Skiatorja: Emocion i veçantë
15 Dhjetor, 12:34 -
Tirana, Kryeqyteti Mesdhetar i Kulturës dhe Dialogut, Veliaj: Hapim dy muze të rinj në qytet
15 Dhjetor, 10:22 -
Buxheti 2025, Veliaj: Buxheti i solidaritetit në çdo etapë të jetës së qytetarëve të Tiranës
14 Dhjetor, 17:43 -
Nga 1 janari 2025, pensionistët udhëtojnë me abone falas në Tiranë, ja si do të funksionojë
14 Dhjetor, 10:29 -
Buxheti/ Veliaj: Bëjmë të gjitha rrugët e lagjeve që lidhen me Unazën e Madhe, modernizojmë transportortin urban në Tiranë
13 Dhjetor, 22:01 -
Buxheti për 2025, Veliaj: Transport falas për të gjithë pensionistët në Tiranë, ja si do bëhet regjistrimi për abonenë
13 Dhjetor, 18:16 -
Hungaria mbyll mandatin 6-mujor të Presidencës së Bashkimit Europian, Veliaj: BE po rritet më e fortë
12 Dhjetor, 16:06 -
Hetimi pasuror i SPAK, Ajola Xoxa dhe Arbër Veliaj ankimojnë kontrollet e agjentëve të BKH-së
12 Dhjetor, 14:22
