POP 5

Lajmet më të lexuara të 5 minutave të fundit

Sociale

Veliaj shpërndan banesa sociale për
177 të pastrehë: Ndërtojmë të tjera

Kryebashkiaku Erion Veliaj gjatë ceremonisë së dorëzimit të çelësave, theksoi se ai e mbajti premtimin e tij të bërë gjate fushatës elektorale dhe se do të vijoj punën për strehimin e shumë familjeve të tjera në nevojë.  VIDEO
Veliaj shpërndan banesa sociale për<br />177 të pastrehë: Ndërtojmë të tjera
Kryetari i Bashkisë së Tiranës, Erion Veliaj, i dorëzoi  sot çelësat e shtëpive 177 familjeve në nevojë, të cilat rreth dy javë më parë përfituan nga vendimi i Këshillit Bashkiak për një banesë sociale në Shkozë.

Në ceremoninë e shpërndarjes së këtyre banesave, kryebashkiaku Veliaj theksoi se në prag të mbushjes së vitit të parë në detyrë, ky është një tjetër premtim i mbajtur.

Duke vlerësuar faktin se prej këtij vendimi përfitojnë familjet më nevojtare të qytetit, Veliaj theksoi se “Më vjen mirë që këtij komuniteti dhe kësaj lagjeje do t’i bashkohen edhe 177 familje të tjera. Familje jashtëzakonisht nevojtare, ish të përndjekur dhe të persekutuar, që nuk kanë parë një ditë të bardhë, por sot ka ardhur dita që të marrin edhe ata banesat e tyre”.

Ai shtoi se brenda një viti u bë e mundur që t’i jepej fund një problemi që ishte kthyer në një stres më vete për të gjitha këto familje, të cilat për vite të tëra endeshin zyrave të institucioneve shtetërore pa zgjidhur punë.

Ai kërkoi nga banorët e rinj të kësaj lagje që t’i mirëmbajnë banesat e reja, në mënyrë që ajo të kthehet në një nga lagjet model të Tiranës për mënyrën e menaxhimit dhe pastrimit.

Kryetari i Bashkisë bëri të ditur se puna për të lehtësuar çështjen e strehimit në kryeqytet nuk mbaron këtu, pasi së shpejti në këtë zonë do të nisë edhe ndërtimi i banesave të tjera sociale.

“Kjo është arsyeja pse duke filluar nga muaji tjetër në zonën ku banon komuniteti rom, do të fillojmë shumë shpejt ndërtimin e shtëpive të reja për komunitetin që jeton aty”, tha Veliaj

1
2
3


Redaksia Online
(M.Ç/shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51