Ekipi i Partizanit në volejboll për meshkuj arriti këtë vit të fitojë Kupën e Shqipërisë, një sukses i jashtëzakonshëm, që vjen pas 38 vitesh. Sportistët dhe trajneri i tyre, Ylli Tomorri, bashkë me Drejtorin e Klubit shumësportësh Partizani, Shkëlqim Muça, u pritën në një takim nga kryetari i Bashkisë së Tiranës Erion Veliaj.
Veliaj u shpreh se falë këtyre sukseseve, shumë të rinj dhe të reja po afrohen me ekipet zinxhir dhe po merren me sport.
“Jam shumë krenar për ju! Kishte kohë që nuk i kishim parë pallatet e sportit plot. Fakti që po mbushen shkallët e pallateve të sportit, dhe fakti që shumë të rinj po futen në ekipet zinxhir, fakti që kemi një ‘fidanishte’, ku djem, vajza të rinj, po ikin nga lokalet e nga interneti, nga iPadi, nga telefonat dhe po merren me aktivitet fizik, është një lajm i jashtëzakonshëm. Sigurisht, ju jeni sportist elitar, sot keni dy kupa, kupën e Shqipërisë, kupën “Gjergj Kastriot Skëndërbeu”, keni me shumë shpresë edhe trofeun më të madh që është kampionati kombëtar. Por, mbi të gjitha keni fituar kupën edhe kampionatin e të qënit qytetar. Sot nuk mjafton të jesh vetëm sportist i mirë, duhet të jesh edhe çun i mirë dhe qytetar i mirë, një model i mirë”, deklaroi Veliaj.
Ai siguroi sportistët se Bashkia e Tiranës do të vijojë mbështetjen financiare për ekipet sportive për të avancuar edhe në kupat europiane. “Jam vërtet krenar jo vetëm për dy kupat, edhe në pritje të së tretës, po me shpresë do të kemi ndoshta një plan edhe një buxhet që do të mbështetet nga Bashkia e Tiranës për të avancuar në Kupat Europiane”, deklaroi Veliaj.
Drejtori i Klubit shumësportësh Partizani, Shkëlqim Muça, vlerësoi kryebashkiakun për mbështetjen që i ka dhënë sportit dhe premtoi rezultate të larta në vazhdimësi.
“Falenderojmë kryetarin e Bashkisë për të gjithë mbështetjen që na ka dhënë në këto vite. Që nga viti 2019, kur ne kemi ardhur në varësi të Bashkisë, kemi qenë elitarë në këtë sport. Kemi fituar 2 herë titullin kampion, 2 herë titullin e Republikës, premtojmë që do t’i shtojmë sukseset. Kemi krijuar një akademi shumë të mirë me moshat dhe për këtë falënderojmë shumë kryetarin sepse na ka mbështetur për çdo kërkesë që kemi bërë. Shpresojmë që, në të ardhmen, të bëjmë një ekip elitar që të marrë pjesë në kupat e Europës dhe të japë rezultate pozitive”, nënvizoi Muça.
Edhe trajneri në volejboll për meshkuj, Ylli Tomorri u shpreh se po punohet shumë dhe për afrimin e komunitetit me sportin. “Ne premtojmë që sportin nuk do ta bëjmë si sport në veçanti,por do ta bëjmë që të jetë një sport argëtues për të gjithë komunitetin e Tiranës dhe për komunitetin volejbolldashës në Shqipëri. Ne jemi thirrur për të dy trofetë që kemi fituar, po nëse ne do të dalim kampion premtojmë që do të kemi një skuadër kompetitive dhe një skuadër luftarake dhe një skuadër të denjë për të përfaqësuar Shqipërinë dhe Partizanin në Europë”, deklaroi Tomorri.
Lajme të tjera
-
112-vjetori i Pavarësisë, Tirana vishet kuqezi! Nesër në bulevardin 'Dëshmorët e Kombit' parada e shqiptarëve nga të gjitha trevat (FOTO + VIDEO)
27 Nëntor, 20:09 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
FOTOLAJM/ Presidenca ‘vesh’ dekorin e festave, ndriçohet nga drita shumëngjyrëshe
27 Nëntor, 18:40 -
‘Drejtësi për Martinin!’ Marshim protestë për sigurinë, por pa bojkot në shkolla
27 Nëntor, 18:22 -
Mbledhja e Qeverisë, Vasilika Vjero largohet nga posti i zv/ministres së Financave pas katër vitesh
27 Nëntor, 18:05 -
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Çlirimi i Shqipërisë, nxënës e veteranë mbjellin 80 pemë në varrezat e Dëshmorëve! Veliaj: Të qartë në vokacionin tonë Europian
27 Nëntor, 15:59 -
SPAK goditi organizatën kriminale të Suel Çelës, lihen në fuqi 20 masat e sigurisë, ndryshon vetëm për avokaten e grupit! Ja emrat e 4 të kërkuarve (VENDIMI)
27 Nëntor, 13:48 -
GJKKO e liroi nga 'arresti shtëpiak', Berisha kthehet në PD pas 331 ditësh, sulmon Ramën: Je puçist! Krijo qeveri teknike ose mosbindja civile është gati
27 Nëntor, 13:39 -
Skënder Minxhozi: SKAPI u bë SPAK!
27 Nëntor, 11:35
-
Namir Lapardhaja: Flojera Davidhi – gjyqtare e ‘fjalës së lirë’ apo ‘e kapur nga Edi Rama’?
27 Nëntor, 11:22
