Moti i ngrohtë ka bërë që pushuesit e parë t'i drejtohen Velipojës. Plazhi ende po pastrohet ndërsa kreu i njësisë administrative thotë se për 10 ditë do të jetë gati.
"Po bëhet pastrimi i rërës, po shtrohet rruga vilunit dhe brenda 10 ditëve do të jetë gati. Po shtrohen rrugët 6 dhe 7 në zonën e plazhit. Kemi projekt pilot me biznesin për mbledhjen e plehrave me orare të caktuara. Do ti marrë makina tek porta e biznesit në mënyrë qe të lirohen kontejnerët".- tha Altin Kaci administrator i Velipojës.
Ndryshe nga vitet e tjera kur u shënuan vonesa dhe përplasje, Agjencia e Bregdetit ka përfunduar procesin e ndarjes së parcelave të plazhit dhe tashmë operatorët turistikë po nënshkruajnë kontratat me bashkinë.
![](https://shqiptarja.com/template/img/NO_ALFA_Kuadrate shqiptarja.png)
‘Më 30 prill ka përfunduar procesi, nuk kemi marrë ende kontratat por janë mbyllur procedurat, tani pritet vetëm ndarja e hapësirave në terren. Po kemi pasur pushues nga Gjakova, ata e kanë bërë traditë të vijnë këtu që në Maj’.- tha Lekë Marku, operator turistik.
Velipoja mbetet qendra më e preferuar turistike në veri të vendit ku ndërthuren deti, ranishtja, lumi, delta me ishuj dhe laguna.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
nuk u vra njeri kete here sic ndodhi vjet o popull kafshe?dini ti zgjidhni problemet vetem me plumba
Përgjigju