POP 5

Lajmet më të lexuara të 5 minutave të fundit

Politikë

Veljanoski-Nishanit: Në Maqedoni
ndjeshmëri e lartë për ndëretnikët

"Ka një ndjeshmëri dhe kujdes të lartë për marrëdhëniet ndëretnike në Maqedoni, të cilat garantojnë stabilitet dhe mundësi për një jetë më të mirë për qytetarët". Kështu i ka thënë kryeparlamentari maqedonas, Trajko Veljanoski presidentit Bujar Nishani. 
TIRANË -  "Ka një ndjeshmëri dhe kujdes të lartë për marrëdhëniet ndëretnike në Maqedoni, të cilat garantojnë stabilitet dhe mundësi për një jetë më të mirë për qytetarët". Kështu i ka thënë kryeparlamentari maqedonas, Trajko Veljanoski presidentit Bujar Nishani sot gjatë një takimi në Presidencë në kuadër të vizitës zyrtare të Veljanoskit në vendin tonë.

Të dy bashkëbiseduesit ishin në një mendje, se rajoni po lë pas kohën e mosbesimit dhe se duhet të ndërtojë mirëbesimin, duke forcuar bashkëpunimin në planin dy dhe shumëpalësh përmes rritjes së shkëmbimeve ekonomiko-tregtare, kulturore, nxitjes së mëtejshme të qarkullimit të njerëzve dhe mallrave dhe zbatimit të projekteve madhore rajonale dhe më gjerë të infrastrukturës.

Ata ishin të të njëjtit mendim gjithashtu, se e ardhmja në paqe dhe stabilitet është bazë për një jetë të qetë dhe standarde evropiane të merituara për të gjithë qytetarët e Ballkanit Perëndimor dhe më gjerë.

Presidenti Nishani u shpreh se Shqipëria i vlerëson marrëdhëniet me Maqedoninë të një rëndësie të veçantë dhe nënvizoi se këto marrëdhënie tona mund të jenë model për rajonin dhe më gjerë.

Presidenti, në vijim, e siguroi Kryeparlamentarin maqedonas se vendi i tij do të gjejë gjithmonë te Shqipëria një fqinj shumë të mirë dhe partner të besueshëm, i cili mbështet fort stabilitetin, prosperitetin dhe integrimin euro-atlantik të fqinjit të saj, që i konsideron shqiptarët e Maqedonisë kontributorë të zhvillimit të shtetit të tyre, duke vënë në dukje se Shqipëria i ka inkurajuar dhe inkurajon ata për veprime institucionale në mbështetje të demokracisë, shtetit ligjor dhe mbarëvajtjes së proceseve integruese në Maqedoni, ndërsa e cilësoi zbatimin e plotë të Marrëveshjes së Ohrit, plotësisht në interes të Maqedonisë dhe qytetarëve të saj.

Veljanoski tha se marrëdhëniet mes dy vendeve janë në një nivel shumë të lartë dhe veçoi shpeshtësinë e takimeve të niveleve të ndryshme si shprehje të kësaj dinamike dhe gjithashtu, si shtysë për forcimin e lidhjeve dhe bashkëpunimit mes popujve dhe vendeve tona.


Redaksia Online
(mag/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Nicolas Maduro u betua për një mandat të 3, SHBA rrit shpërblimin për këdo që jep informacion që çon në arrestimin e liderit të Venezuelës 

Nicolas Maduro u betua për një mandat të 3, SHBA rrit shpërblimin për këdo që jep informacion që çon në arrestimin e liderit të Venezuelës 

11 Janar, 11:27