Zbulimet arkeologjike të Institutit të Arkeologjisë(Akademia e Studimeve Albanologjike), kanë vendosur sërish Shqipërinë në vëmendjen e medieve ndërkombëtare (‘La Repubblica’, ‘Archeology.org’, ‘IFL science’, ‘Ancient Origins’ etj.)
Kësaj here flitet për vendbanimet palafite në Lin tw Pogradecit, si më të vjetrat në Evropë të këtij lloji. Konsiderohen se i përkasin një periudhe 7500- 8000 vjeçare dhe se janë ndërtuar në pjesën breg-liqenore të Ohrit.
“Mbetet ende mister si dhe pse u ndërtua ky vendbanim palafit që rezulton 8000-vjeçar” shkruan ndër të tjera “La Repubblica”, teksa thekson më tej se do të duhen vite të tëra kërkimesh për të thelluar tezat mbi banorët e hershëm të Linit dhe arkitekturën e veçantë.
Revistat shkencore zvicerane, bazohen edhe në pohimet e arkeologut Albert Hafner nga ekipit zviceran i Universitetit të Bernës që bashkëpunon në projektin “Lin3” ,teksa thekson se këto vendbanime janë qindra vjet më të vjetra se banimet liqenore të njohura deri më tani në Evropë. Ndërsa më tej thuhet se në to mund të kenë jetuar 200-500 njerëz. Vendbanimet palafite mendohet të kenë qenë të rrethuara nga një barrikadë prej 100 mijë dërrasash, një zgjedhje kjo që banorët mund ta kenë bërë për të mbrojtur veten.
Gërmimet e arkeologëve kanë sjellë gjetje si vegla pune prej stralli enë qeramike, fragmente fosilesh etj. Sipas Adrian Anastasit analiza e unazave të pemëve të drurit do të jap të dhëna për klimën e kushtet mjedisore të rajonit. Mbetjet e farërave, bimëve dhe kafshëve të egra e të zbutura, sipas arkeologut Ilir Gjepali tregojnë angazhimin e banorëve me bujqësi e bagëti.
Lajme të tjera
-
Foto/ U gjend në Babunjë të Lushnjës, Instituti 'Getty' restauroi statujën e shek.V para Krishtit! Citohen grekët, Forumi: Tregon për kulturën e zhvilluar ilire
2 Gusht 2023, 20:58 -
Zbulimet arkeologjike gjatë 2022, vendbanimet palafite e relikja lundruese 7500-vjeçare në Lin të Pogradecit
17 Mars 2023, 19:52 -
STUDIMI/ Nga ndërtimi te funksioni e dedikimet, Kalatë e Ali Pashë Tepelenës, Përzhita: U ndërtuan mbi shtresa më të hershme të shek. XIII-XIV!
16 Mars 2023, 16:22
-
Instituti i Arkeologjisë konferencë për kërkimet në pandemi, Muka: 2021-shi rikthim i rëndësishëm, shënuam 30 projekte! Zbulimet do i shërbejnë identitetit kombëtar
15 Prill 2022, 22:05
-
Rrënojat antike në Belsh, pas kronikës së Report TV arkeologjia nis ekspeditën
13 Qershor 2020, 17:04
