Vende pune në Mars/ Shefi i SpaceX: Planifikohet dërgimi i 1 milion njerëzve, kredi për ata që s'përballojnë dot udhëtimin

Vende pune në Mars/ Shefi i SpaceX: Planifikohet dërgimi i 1 milion njerëzve, kredi për ata që s'përballojnë dot udhëtimin

Rreth 1 milion njerëz planifikohen të dërgohen në Mars deri në 2050-tën. Iniciativa është ndërmarrë nga shefi i SpaceX, Elon Musk, i cili planifikon popullimin e këtij planeti. Madje, “do të jepen edhe kredi për ata të cilët nuk e përballojnë dot një udhëtim të tillë”, thekson ai.

Përmes një postimi në Twitter, Musk shprehet se do t’i duhet të ndërtojë më shumë anije hapsinore në qoftë se një numër i tillë njerëzish do të dërgohet për në Panetin e Kuq.

Sipas tij, rreth 100 anije- të mjaftueshme për transportimin e 1 milion njerëzve- do të mund të ndërtohen për një perjudhë 10-vjeçare.

Problemi, është se nuk mund të niseni me anije kozmike për në Mars në çdo kohë që dëshironi. Përkundrazi, mund të filloni vetëm çdo 26 muaj, kur orbitat e Tokës dhe Marsit janë ideale për të zvogëluar sasinë e kohës që duhet për të bërë udhëtimin. 

Në ato periudha kur orbitat janë ideale, Musk parashikon të nis një anije kozmike për një periudhë 30-ditore me qëllim dërgimin e njerëzve që mund të shkojnë në Mars.

“Do të ketë shumë vende pune në Mars!”, vijon Musk, ndërsa shprehet se: "Starship, nëse realizohet ashtu siç është menduar, do të jetë sistemi më i fuqishëm i lançuar ndonjëherë. Në çdo lëshim, këto anije mund të mbajnë më shumë se 100 tonë peshë, dhe mund t`i transportojnë pa vështirësi 100 persona."

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet