/ATSH-AFP/ - Ministrat e Financave dhe guvernatorët e Bankave Qendrore të G20-s të mbledhur në Stamboll premtuan se do të riforcojnë bashkëpunimin mes tyre për të luftuar kundër terrorizmit, sipas komunikatës përfundimtare.

"Ministrat e Financave dhe guvernatorët e Bankave Qendrore të G20-s u bënë thirrje të gjitha vendeve të përshpejtojnë dakordësinë e tyre me normat ndërkombëtare, veçanërisht përsa i përket shkëmbimit të informacioneve dhe ngrirjes të të ardhurave të terroristëve", vijon teksti.

Ministrat u shprehën gjithashtu për një riforcim të transparencës të sistemeve të pagesave me qëllim për të reduktuar rreziqet për mashtrim për shkaqe të financimit të terrorizmit dhe pastrimit të parave.