POP 5

Lajmet më të lexuara të 5 minutave të fundit

Sociale

Vendi turistik në Shqipëri që të bën ta vizitosh sërish! Kalaja e Rozafës thyen rekord vizitorësh

Kalaja e Rozafës në Shkodër ka tërhequr një numër të lartë vizitorësh që nga janari, duke thyer rekord. Sipas Drejtorisë Rajonale të Trashëgimisë Kulturore në 6 muaj, kalaja u vizitua 65 mijë turistë, 45% më shumë se vitin e kaluar.

Vendi turistik në Shqipëri që të bën ta vizitosh sërish! Kalaja e Rozafës thyen rekord vizitorësh

Kalaja e Rozafës është kthyer në një destinacion të preferuar për turistët që vizitojnë Shkodrën.

“Gjithçka është shumë bukur këtu, kështjella, qyteti, duket gjithçka e mrekullueshme. Është hera e parë që vij, por jam i bindur se do të kem edhe një herë të dytë që do të vizitoj këtë qytet”, tha një turist.

“Po është hera e parë që unë vij, gjithçka duket këndshëm, kjo pamje që të ofrohet. Besoj se do të vij sërish dhe i sugjeroj turistëve që të vijnë për një tur në të gjithë Ballkanin, pasi gjithçka duket e bukur”, u shpreh një turiste.

Nga janari e deri në mes të këtij muaji, ky monument kulture e historie, u vizitua nga 65 mijë persona, gati dyfishi i të njëjtës periudhë të vitit të kaluar.

“Normalisht Kalaja Rozafa është pjesë e paketës së një ndër destinacionet që duhet për tu vizituar nga shumë vizitorë. Nëse do ta krahasojmë me vitin që lamë pas, Kalaja e Shkodrës njeh një rritje 45% më shumë për periudhën kohore Janar-Maj 2024”, tregoi Besara Podgorica, drejtoreshë e DRTK.

Jo vetëm për vlerat historike, por edhe për peizazhin që ofron, Kalaja e Rozafës është objektiv i turistëve nga Evropa, Lindja e Mesme e Amerika.

“Në fakt Shkodra është një qytet që këto dy vitet e fundit ka treguar një zhvillim tejet të madh për sa i takon turizmit të qëndrueshme. Tërheq vëmendjen jo vetëm për vlerat historike, por edhe peizazhit që ofron. Ne njohim një vizitueshmëri prej 65 mijë vizitorësh, që nga periudha e janarit deri në mes qershori. Kryeson Evropa Perëndimore. Francë, Spanjë. Nuk mbetet pas Polonia, Izraeli dhe Amerika që sa vijnë e shtohen”, tha ajo.

Kalaja e Rozafës është një nga 30 kalatë e Shqipërisë, që sjell dëshmi nga shekulli i 3 dhe i 4 para erës sonë e deri në fillimin e shekullit të kaluar, kur kalaja i rezistoi pushtimit të ushtrisë së Malit të Zi.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Visi: 20/06/2024 13:34

    gyso super artikull. kavajsi qe merret me shkudren. Rraspekt i nalt or ti brate

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

25 Dhjetor, 16:02