Spitalet me performancë më të mirë, do të kenë autonomi. Projektligji u miratua sot nga Këshilli i Ministrave, ndërsa për Ministren e Shëndetësisë, Ogerta Manastirliun, do të sjellë transformim të shërbimit spitalor.
Në një komunikim për mediat pas përfundimit të mbledhjes së qeverisë, Manastirliu shpjegoi se kjo autonomi do të vijë përmes kartës së performancës, pra do ta marrin spitalet që do të plotësojnë kriteret e vendosura.
"Miratohet projektligji për shërbimin spitalor, ku synohet të kalojmë në një nivel të ri transformimi të shërbimit spitalor. Ishte koha që ky projektligj të vinte, do kalojë për diskutime në komisionet parlamentare dhe do të sjellë një model të ri të shërbimit spitalor, atë të autonomisë spitalore. Autonomia spitalore vjen përmes kartës së performancës që plotësohet sipas kritereve që do vendosen nga këshilli i ministrave nga spitalet që kanë aftësi për ta përfituar kartën e performancës dhe të autonomisë spitalore. I hap rrugën autonomisë menaxheriale dhe financiare të spitaleve. Qëllimi është përmirësimi i shërbimeve të kujdesit spitalor. Do të çojë në një eficienë më të mirë të fondeve, duke angazhuar të gjitha fondet dhe struktura të tjera dhe të gjithë strukturat e spitaleve në vend", tha ministrja.
Manastirliu shtoi po ashtu se do të ketë edhe një organizim spitalor kombëtar, që do të hartohet nga një komitet ekspertësh. Aplikimi i autonomisë spitalore do të fillojë brenda këtij viti me Spitalin Memorial në Fier
"Do kemi një planifikim spitalor kombëtar nëpërmjet një komiteti ekspertësh që do e hartojnë. Do kemi organizim duke filluar nga spitalet ditore, në ato bashkiakë, rajonalë, qendrat rajonale të spitaleve, do kemi spitale me shërbime të dedikuara me bazë rajoni. Do krijojmë polet rajonale të shërbimit spitalor në vend. Do jetë pikë kthese aplikimi i autonomisë spitalore, do fillojë me Spitalin Memorial në Fier. Vlerësojmë se do të fillojë brenda këtij viti", shpjegoi ajo.
Tjetër vendim i marrë sot është reduktimi i zyrave të gjendjes civile, që vjen si pasojë e kalimit të shërbimeve publike online, proces që do të nisë nga 1 maji. Ministri i Brendshëm, Bledi Çuçi sqaroi se do të jenë vetëm 150 zyra të gjendjes civile që do të qëndrojnë të hapura në të gjithë vendin, nga 390 që ishin.
Në projektligjin që qeveria propozon për ‘Shërbimin spitalor’ planifikohet autonomia spitalore.
‘Autonomi spitalore’ është një formë e decentralizimit, që adreson delegimin gradual të të drejtave të vendimmarrjes financiare dhe administrative nga strukturat e qeverisjes së përgjithshme te spitalet, si institucione të kujdesit shëndetësor publik.
Ligji parashikon “Kartën e Autonomisë Spitalore”, e cila garanton dhënien e autonomisë spitaleve publike, e cila jepet nga ministri përgjegjës për shërbimin spitalor, sipas kritereve të përcaktuara në këtë ligj dhe aktet nënligjore të dala në zbatim të tij.
Projektligji nënvizon se Autonomia, si pjesë integrale e menaxhimit të sistemit spitalor publik, garanton barazi, aksesueshmëri, cilësi, siguri dhe ofrimin e shërbimit shëndetësor në kohë për pacientin.
“Spitalet autonome organizohen në formën e personit juridik publik, me të drejta, detyrime dhe përgjegjësi të përcaktuara në këtë ligj dhe aktet nënligjore të dala në zbatim të tij”, thuhet në projektligj.
Qeveria parashikon 2 modele të autonomisë së spitaleve : a) Modeli i autonomisë menaxheriale garanton dhënien e autonomisë administrative, organizative dhe rregullatore të spitaleve publike, bazuar në përcaktimet e kartës së autonomisë spitalore; b) Modeli i autonomisë financiare garanton transformimin e spitaleve publike në institucione që vetëfinancohen, financohen nga buxheti i shtetit për shërbime të caktuara nga Këshilli i Ministrave dhe nga burime të tjera të ligjshme, bazuar në përcaktimet e kartës së autonomisë spitalore.
Karta e autonomisë do të aplikohet në mënyrë të përshkallëzuar dhe të diferencuar për çdo spital, bazuar në plotësimin e kritereve për përfitimin e autonomisë spitalore, sipas një sistemi pikëzimi, që do të përcaktohet me urdhër të ministrit. Spitalet autonome aplikojnë modelin e pagesës, në bazë performance për personelin shëndetësor, bazuar në rregullat e përcaktuara me urdhër të ministrit.
Në nenin 18 të ligjit përcaktohen kriteret për përfitimin e autonomisë spitalore dhe thuhet se spitalet publike përfitojnë autonominë spitalore, pas përmbushjes së kritereve, të përcaktuara në rregulloren e autonomisë spitalore, që miratohet me vendim të Këshillit të Ministrave.
Rregullorja e autonomisë spitalore përcakton: a) kriteret specifike, që duhet të plotësojë një spital publik, që të përfitojë autonominë për secilin nga modelet e parashikuara në këtë ligj; b) procedurën e vlerësimit të plotësimit të kritereve për të përfituar autonominë; c) fushëveprimin dhe fushat e autonomisë që jepen; ç) periudhën e dhënies së autonomisë, sipas modelit.
Aplikimi pёr autonominë spitalore bёhet nga ana e spitaleve publike nё Ministrinё e Shёndetёsisё, nëpërmjet një formulari të veçantë, të miratuar me urdhër ministri, në të cilin pasqyrohen elementet formale të kërkesës. Dhënia e autonomisë spitalore bëhet në mënyrë të përshkallëzuar dhe mbështetur në kërkesën e vetë spitalit dhe miratohet nga ministri.
Spitalet publike autonome kanë të drejtë të lidhin kontrata me palët e treta, me kompani private të sigurimeve, si dhe me spitalet jopublike për shërbime specifike mjekësore. Gjithashtu të lidhin marrëveshje me shërbimet diplomatike të huaja, organizatat ndërkombëtare dhe korporatat e huaja që veprojnë në Shqipëri, për të ofruar shërbime për personelin e tyre vendor dhe të huaj.
Ministrja e Bujqësisë, Frida Krifca bëri me dije se në Këshillin e Ministrave se kanë marrë vendim për sektorin e peshkimit në mënyrë që të shmangen zëniet e padëshirueshme. Krifca sqaroi se ka dalë dhe një urdhër si çdo vit nga Ministria e Bujqësisë për të mos lejuar peshkimin në liqene këtë periudhë pasi krapi ka periudhën e shumimit.
"Sot bujqësia ka miratuar një vendim për sektorin e peshkimit për të ruajtur nivelet peshkore të të gjithë liqeneve dhe detërave tona në mënyrë që flota e peshkimit të respektojë dhe masat biologjike të peshkimit. Ky është vendim në përputhje me politikën europiane të peshkimit sa i përket ruajtjes dhe vënies në dispozicion të niveleve të rendimentit të qëndrueshëm për të zvogëluar zëniet e padëshiruara. Jemi në një sektor që ka pasur rritje të vazhdueshme, i rëndësishëm për nivelin e punësimit, për rritjen e eksporteve, kështu që do ta mbështesim dhe me një kuadër ligjor të nevojshëm që përafron nevojat e sektorit me BE por ruan mjedisin, ekologjinë dhe sistemet biologjike që të kemi mundësinë të shfrytëzojmë pasurinë tonë natyrore në përputhje me zhvillimit.
Dua të përmend dhe një urdhër të dalë nga Ministria e Bujqësisë për ruajtjen e niveleve për zënien e krapit që është përmendur dhe në media. Është urdhër normal i çdo viti për të mos peshkuar në liqenet ku krapi ka tani periudhën e shumimit, kjo bëhet për të ruajtur ekosistemin tonë detar", tha Krifca.
Ndërsa për shqetësimin që ngriti deputeti socialist Erion Braçe se gruri është në pikën kritike pasi duhet naftë për vaditje dhe pleh i lirë, Krifca tha se i janë gjendur pranë fermerëve pavarësisht se kriza ka goditur edhe bujqësinë. Sa i përket alarmit të shoqatave të përpunuesve për faliment pasi çmimi i qumështit të fermerit është rritur, Krifca tha se nuk ka dijeni për rrezikun e fabrikave.
“Kriza që ne po jetojmë ka prekur edhe bujqësinë. Jemi përballë rritjes së çmimeve të inputeve bujqësore, qeveria shqiptare i është gjendur fermerëve me mbështetje 3.7 miliardë lekë, kemi pasur skemën e mbështetjes së naftës. Kemi 7300 fermerë që janë aprovuar dhe 5600 prej tyre kanë marrë kartat e fermerit, pra e kanë marrë naftën dhe e kanë vënë në punë. Sa i takon imputeve bujqësore, jemi të varur nga çmimet ndërkombëtare, gruri ka nevoja për ujitje dhe kemi bërë investime të qenësishme. Për blegtorinë, ne plotësojmë nevojat për qumësht, duket sikur ne na duhet të importojmë por tani nevojat për qumësht i plotësojmë. Nuk kam dijeni për fabrikat në rrezik”, tha Krifca.
Kalimi i shërbimeve publike online ka reduktuar numrin e zyrave të gjendjes civile. Ministri i Brendshëm, Bledi Çuçi tha sot se në vend do të jenë të hapura vetëm 150 sportele, nga nga 390 që ishin.
“Sot miratuam reduktimin e zyrave të gjendjes civile, do ketë vetëm 150 zyra si pasojë e revolucionit digital për dhënien e shërbimeve publike, shërbimet do ofrohen vetëm onlinë. Do ketë 150 sportele për të marrë vetëm ato shërbime që duhet të jetë i pranishëm qytetari, të tjerat online", tha ai.
Komente
Lajme të tjera
-
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
Mblidhet Këshilli i Ministrave, miraton ndryshimet në buxhet! Miratohet fondi për voton e diasporës e bonusi i pranverës për pensionistët
19 Dhjetor, 21:42 -
Kuvendi/ PS kalon ligjin, anulohen gjobat për ndërtime pa leje, dhe të AKU në fshat! Rrëzohet amendamenti i PD-së, s'falen faturat e prapambetura të ujit e dritave
19 Dhjetor, 17:31 -
VENDIMI/ Qeveria ngre Zyrën e Administrimit të Parkut Kombëtar të ‘Lumit të Vjosës’! Drejtor, administratë, logo dhe stemë! Selia në Tepelenë
13 Dhjetor, 22:17 -
Fier/ Manastirliu takim me drejtuesit e shkollave: Pezullim deri në zbardhjen e ngjarjes të drejtuesve dhe oficerit të sigurisë të shkollës në Cakran
13 Dhjetor, 19:37 -
Koçiu: Rreth 55 mijë shërbime në banesë për të moshuarit dhe të sëmurët kronikë që nga Janari
13 Dhjetor, 16:59 -
OBSH: Shqiptarët 59.7% të shpenzimeve nga xhepi në shëndetësi! Koçiu: 130 milionë euro për rimbursimin e ilaçeve me buxhetin e 2025
12 Dhjetor, 16:34 -
Interpelanca për vrasjen e 14-vjeçarit/ Zhupa kërkon dorëheqjen e Manastirliut: Sistem i dështuar! Ministrja: Ke hallin e karrgies, s’të ndihmojmë dot
12 Dhjetor, 11:08 -
Kuvend/ PS rrëzon me votë interpelancën me Ramën për 'Becchetin', e kërkoi PD! Spiropali: Eshtë shpifje! PDIU shpëton PS, votohen projektligjet
12 Dhjetor, 07:50 -
Rama: 164 mijë persona me aftësi të kufizuara do të mbështeten nga buxheti 2025, program dhe mbështetje sociale
6 Dhjetor, 12:20 -
Qeveria cakton shpërblimet për gardistët: Deri në tre paga plus për ata që shpëtojnë jetën e zyrtarëve të lartë! Deri në 1 mln lekë kompensim në raste dëmtimi të pronës së tyre për shkak të detyrës
4 Dhjetor, 19:07 -
Vendimet e Qeverisë, Ismail Shehu lirohet nga detyra e anëtarit të Këshillit Drejtues të Agjencisë Shtetërore të Kadastrës, e zëvendëson Eduard Ahmeti
4 Dhjetor, 18:42
Jo spitalet, por shëndetësia në nivel qendror duhet të ket autonomi! Nëse vetëm spitalet pëfitojnë këtë ”autonomi” atëher ka për qëllim vjedhjen dhe shkatrrimin e shendetësin në përgjithësi. Pse, sepse do futen aktorë nga jasht dhe do hapin spitale (serbia, rusia, Turku i ka, greqia e dreqi e i biri i dreqit) kurse mjek e specialist shqiptarë do mendimet jasht sistemit dhe do detyrohen jasht vendit ! Ky km është i qrregulluar mentalisht dhe kombtarisht…!
PërgjigjuKushtet ne spitale jane me te mira dhe per sa i perket stafit spitalor jane shume te pergatitur
PërgjigjuMe ne fund do mbyllen keto spotalet pasi ishin stres me vete sorrollatja qe te benin, lere pastaj koha e humbur
PërgjigjuOre sa mire bene, edhe te vdekurit vete do cregjistrohen ne e albania
Vendimet e duhura duan pak kohe te meren po ja erdhi dita.Si shendetesia qe ka ndryshuar totalisht dhe pritet akoma te permiresohet dhe te behet ne nivele te larta si dhe portali E Albania qe po i zgjidh shume pune ne kohe me te shpejte se ato zyrat qe ne te vertete nuk sherbenin per asgje.
PërgjigjuVendime shume te mira si per permiresimin e cilesise se sherbimit shendetesor ashtu dhe per digjitalizimin e vendit. Mezi pres per digjitalizimin se tani sdo rrim me ne rradhe te gjata
PërgjigjuDigjitalizimi eshte nje ide shume e mire.Na lehteson punen dhe nuk kemi pse presim me ne radhe per te aplikuar apo per te marre nje dokument.Kursejme dicka nga korrupsioni ,kursejme nerva e stres dhe kohe.Faleminderit shtetit qe na e mundesoi kete platforme!
Përgjigjuvemendja e kushtuar kunddrejt shendetesise eshte vertet nje super levizje pasi shendetesia eshte jetike dhe duhet te jete me standarte te larta
PërgjigjuDigjitalizimi na duhej. Mir kan ber qe e kan ven ne zbatim
PërgjigjuInfrastruktura e spitaleve ka ndryshuar shume gjate qeverisjes tuaj . Sherbimi ne spitale eshte me i mire dhe kushtet janë më cilesore
PërgjigjuEshte gje pozitive sepse nuk do sorollatemi me neper zyra
PërgjigjuShendtetsia eshte transformuar totalisht
PërgjigjuDigjitalizimi mundesi shum e mire per ne qe jemi ne puna dhe mezi na del koha te shkojm ne sportele te marrim ndonje certifikat qe do na duhet
PërgjigjuPo certifikata nuk te duhet me, kot sa do e maresh