TIRANE- Shuma më e madhe do të paguhet nga shteti për dosjen Sallabanda e Hoxha, që përfitojnë, sipas vendimit të Strasburgut, afro 3.6 milionë euro. Ndërkohë, dy nga dosjet e tjera marrin më shumë se 1 milion euro secila.

Në total, janë 8 milionë e 154 mijë euro, që shteti shqiptar duhet të disbursojë nga arka në favor të pronarëve. Por shpenzimet nuk përfundojnë me kaq. Shteti duhet të paguajë vetë edhe tatimin mbi të ardhurat, që në këtë rast në total është më shumë se 800 mijë euro.