Vendimi i Kushtetueses, Patozi: Vendim i duhur dhe pse i vonuar! Ta përshëndesë tani Partia Demokratike

Një vendim të duhur, edhe pse i vonuar pasi do të duhej të ishte marrë para zgjedhjeve të 25 prillit. Kështu e konsideron një prej kërkuesve në Gjykatë Kushtetuese për rrëzimin e herësit nga Kodi Zgjedhor, ish-koordinator i Bindjes Demokratike Astrit Patozi.

"E përshëndesim vendimin e sotëm të Gjykatës Kushtetuese për rrëzimin e herësit të Damianit, i cili e mbyllte me dry kinez listën e deputetëve, që e kishte hapur më parë Kushtetuta.

LEXO EDHE:
Vjen për herë të parë në Tiranë 'Festivali i Verës Merano', Veliaj: Histori suksesi për kryeqytetin, fokusi ynë të promovojmë produktet Made in Albania

Në pritje të zbardhjes të vendimit, për të cilin nuk besojmë të ketë të papritura, e falenderojmë trupën, që për këtë çështje nuk iu drejtua Komisionit të Venecias.

E kemi ditur që në fillim se nuk prisnim që kjo e drejtë do të aplikohej për zgjedhjet e 25 prillit, i cili do të kishte qenë shërbimi i duhur dhe në kohë për demokracinë dhe shtetin tonë të së drejtës. Por tek e fundit, në Shqipëri do të ketë prapë zgjedhje edhe pas 25 prillit. Kjo ishte e vetmja mundësi që kishim për të vlerësuar votën dhe vullnetin e qytetarëve shqiptarë, siç ata e hedhin, dhe ne atë e shfrytëzuam.

Pas kësaj, presim që këtë vendim ta përshëndesë edhe Partia Demokratike, si forca kryesore e opozitës, sepse ajo para zgjedhjeve është shprehur për lista 100 përqind të hapura", thotë Patozi.

Lajmi kryesor:

Gjykata Kushtetuese pranon kërkesën e Patozit dhe Murrizit, zgjedhjet e ardhshme priten me lista 100% të hapura! Rrëzohet herësi

K.T./Shqiptarja.com

TAG:
• gjykata kushtetuese
• Tirane
• astrit patozi
• myslim murrizi
• kodi zgjedhor
• zgjedhjet parlamentare 2021