TIRANE- Lejet e reja të ndërtimit, ashtu si dhe ato për rikonstruksionin total të apartamenteve, do të bëhen vetëm sipas “Normativave të Projektimit të Banesave”, të sapo miratuara nga Këshilli i Ministrave dhe të publikuara në Fletoren Zyrtare.

Normativat përcaktojnë standarde të reja për Hapësirat e ndenjes, të gatimit, të fjetjes, të ambienteve sanitare ashtu si dhe të shakllëve e ashensorëve, tarracave, çative e ballkoneve. “Këto normativa janë të detyrueshme për t’u zbatuar në projektimin e banesave. Vendimi nr.567, datë 6.12.1993, i Këshillit të Ministrave, ‘Për normat e projektimit të banesave’, shfuqizohet”, thekson vendimi i Qeverisë.