POP 5

Lajmet më të lexuara të 5 minutave të fundit

Ekonomi

Vendimi që dha FMN
politika në konsensus

Marrja e vendimit të Bordit Ekzekutiv të Fondit Monetar Ndërkombëtare për t’i dhënë Qeverisë shqiptare një hua, e cila kap vlerën e 330.9 milionë eurove, gjatë një periudhe 3-vjeçare është përshëndetur si nga Qeveria ashtu edhe nga opozita.
TIRANE- Marrja e vendimit të Bordit Ekzekutiv të Fondit Monetar Ndërkombëtare për t’i dhënë Qeverisë shqiptare një hua, e cila kap vlerën e 330.9 milionë eurove, gjatë një periudhe 3-vjeçare është përshëndetur si nga Qeveria ashtu edhe nga opozita. Nga ana tjetër, Partia Demokratike, nuk ka ngurruar të mos shprehë cinizëm mbi mënyrën se si do t’i përdorë këto fonde Qeveria. Në bazë të vendimit të marrë, Qeverisë shqiptare do t’i lëvrohet menjëherë kësti i parë i kësaj kredie, e cila kap vlerën e 26.4 milionë eurove.
 
Reagimet
Ministri i Ekonomisë, Arben Ahmetaj, është shprehur pozitivisht rreth vendimit të FMN-së për huanë e dhënë dhe ka theksuar se Qeveria do të vazhdojë më strategjinë e saj për të përthithur sa më shumë investime, që të rimëkëmbet ekonomia. “Ka nisur rilindja ekonomike e Shqipërisë. Ne do të vazhdojmë punën për tërheqjen e investimeve dhe përmirësimit të klimës së biznesit. Angazhimi i Këshillit të Ministrave dhe i koalicionit ka qenë të ndërtojmë Europën këtu, për të hyrë në BE si të barabartë.

Programi me FMN-në është një hap i rëndësishëm përpara dhe do të ndiqet nga të gjithë masat e nevojshme për të rikthyer ritmet e rritjes ekonomike dhe punësimit në vend”, - tha ministri Ahmetaj. 

Nga ana tjetër, Partia Demokratike e ka përshëndetur vendimin e FMN-së, duke theksuar se ky vendim vjen në një pikë, sipas tyre, mjaft të vështirë për ekonominë shqiptare. “Partia Demokratike përshëndet marrëveshjen që Fondi Monetar Ndërkombëtar ka bërë me Qeverinë shqiptare, si një veprim të përgjegjshëm nga ana e këtij institucioni në një moment mjaft të vështirë për ekonominë shqiptare” – bën të ditur PD-ja në deklaratën për shtyp. Ndërkaq, nuk ka munguar edhe mosbesimi i opozitës, që huaja e akorduar për FMN-në të përdoret për rimëkëmbjen e vendit. “Ne dyshojmë se vullneti i mirë i Fondit Monetar Ndërkombëtar nuk do të mund të gjejë partneritetin e duhur tek qeveria shqiptare”, - theksohet në njoftimin për shtyp i PD-së.
 
Ilahi
Shefi i misionit të FMN-së për Shqipërinë, Nadeem Ilahi, ka deklaruar, gjatë një interviste për "Zërin e Amerikës" se fondi ka për qëllim uljen e borxhit ndërsa ka saktësuar se huaja nuk ka një destinacion të caktuar. Sipas tij borxhi publik i Shqipërisë është shumë i lartë dhe brenda një periudhe prej 5 vitesh nëpërmjet kësaj huaje synohet të ulet në nivelet e pranueshme.
 
Shkrimi u publikua sot (02.03.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Penguan qarkullimin e makinave gjatë tubimit para Bashkisë, procedohen penalisht 7 protestues! Policia: Vendosën një automjet në mes të rrugës

Penguan qarkullimin e makinave gjatë tubimit para Bashkisë, procedohen penalisht 7 protestues! Policia: Vendosën një automjet në mes të rrugës

11 Janar, 13:37