Vendoret 2023/ Meta dhe Caka takojnë banorët në zonën e 'Freskut': Rrugë të ngushta e të shkatërruara! Ekipi ynë do i japë zgjidhje pas fitores më 14 maj

Kryetari i Partisë së Lirisë, Ilir Meta ishte në zonën e ‘Freskut’ së bashku me Silva Cakën që do të garojë për Këshillin Bashkiak të Tiranës.

Meta thotë se kjo lagje është kthyer në një qytet brenda qytetit, por infrastruktura e saj nuk u përgjigjet nevojave të banorëve. I bindur se do të marrë fitoren në zgjedhjet vendore të 14 majit, Meta thotë se e gjithë situata e përkeqësuar do të marrë zgjidhje pas 14 majit.

“Qytetarët që takova më treguan për problematikat e përditshme me të cilat ata përballen e që do të zgjidheshin thjesht, po të kishte drejtues bashkiakë që fokusohen te puna dhe jo vetëm te propaganda.

LEXO EDHE:
Lufta poshtë brezit për dominimin e opozitës

Rrugë të ngushta e të shkatërruara, mungesa e kanalizimeve, mungesa e trotuareve, pamundësia për parkimin e makinave, çerdhe e kopshte me kapacitet të ulët, që nuk iu përgjigjen nevojave të zonës, si dhe përkeqësimi i situatës me ujin, që s'mund të pihet më, kërkojnë zgjidhje nga ekipi ynë që do votohet në 14 Maj për të sjellë Ndryshimin”, shkroi Meta.

A.M./Shqiptarja.com

TAG:
• zgjedhjet vendore 2023
• silva caka
• Tirane
• Ilir Meta