Vendosja përpara drejtësisë e të kërkuarve ndërkombëtarisht, Rrumbullaku takohet me presidentin e Interpol! Rritje e bashkëpunimit për të luftuar krimin e organizuar

Vendosja përpara drejtësisë e të kërkuarve ndërkombëtarisht, Rrumbullaku takohet me presidentin e Interpol! Rritje e bashkëpunimit për të luftuar krimin e organizuar

Interpol ka ofruar bashkëpunim lidhur me vendosjen përpara drejtësisë të personave të kërkuar ndërkombëtarisht.

Policia e Shtetit dhe INTERPOL-i ranë dakord të rrisin bashkëpunimin dhe programet e përbashkëta për të luftuar krimin e organizuar ndërshtetëror në të gjitha format e tij, në të gjithë rajonin dhe më gjerë.

Kjo u bë e ditur nga takimi i drejtorit të Përgjithshëm të Policisë së Shtetit, Drejtues Madhor Muhamet Rrumbullaku, i cili priti sot në një takim Presidentin e INTERPOL-it, Gjeneral Major Ahmed Naser Al-Raisi.

Në mënyrë të veçantë, Rrumbullaku nënvizoi bashkëpunimin shumë të mirë mes Policisë së Shtetit dhe INTERPOL-it, ndërsa shtoi se, për Policinë e Shtetit është prioritet shumë i rëndësishëm dorëzimi në duart e drejtësisë i personave të kërkuar për krime të rënda dhe me rrezikshmëri të lartë, si për Shqipërinë, ashtu edhe për vendet ku ata strehohen.

“Ky bashkëpunim, i konsoliduar në shkëmbim informacioni në kohë shumë të shpejtë dhe operacione të përbashkëta, duhet të shkojë edhe më tej, duke u fokusuar edhe në përpjekjen madhore të Policisë së Shtetit dhe agjencive ligjzbatuese të Shqipërisë për vendosjen para drejtësisë të personave në kërkim ndërkombëtar”, u shpreh Drejtues Madhor Muhamet Rrumbullaku, sipas njoftimit të Policisë së Shtetit.

Nga ana tjetër, presidenti i INTERPOL-it, Gjeneral Major Ahmed Naser Al-Raisi, duke nënvizuar organizimin e shkëlqyer dhe suksesin e Konferencës së 51-të Rajonale të INTERPOL-it për Europën, që zhvilloi punimet në Tiranë, vlerësoi arritjet e Policisë së Shtetit Shqiptar dhe energjinë, angazhimin e profesionalizmin e saj. Ai u shpreh se, bashkëpunimi, ndërveprimi dhe shkëmbimi intensiv i informacioneve, si në aspektin dypalësh dhe në atë shumëpalësh, do të ndihmojnë së tepërmi në vendosjen përpara drejtësisë të personave të kërkuar ndërkombëtarisht.

 

S.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Finalja mes Spanjës dhe Anglisë, sipas jush kush e fiton Euro 2024?



×

Lajmi i fundit

Pas 20 vitesh degradim, Veliaj: Pishinat e Akuadromit u transformuan, pagesa modeste për pastërtinë e mirëmbajtjen

Pas 20 vitesh degradim, Veliaj: Pishinat e Akuadromit u transformuan, pagesa modeste për pastërtinë e mirëmbajtjen