Venezuela planifikon të rihapë kufijtë me Kolumbinë

Presidenti venezuelian Nikolas Maduro njoftoi se ka në plan për të rihapur kufijtë me Kolumbinë.

"Unë kam urdhëruar hapjen e kalimeve kufitare me Kolumbinë në shtetin e Tachira, duke filluar këtë të shtunë. Ne jemi një popull paqësor që mbrojnë fort pavarësinë dhe vetëvendosjen tonë".

Vendi i Amerikës së Jugut mbylli kufirin e saj me Kolumbinë në muajin shkurt, pasi partia opozitare e Venezuelës kërkonte të importonte ndihma të huaja në vendin e Amerikës së Jugut. Maduro mohoi se një krizë humanitare ekziston në Venezuelë dhe sugjeroi se përpjekjet e ndihmës janë pjesë e një komploti të SHBA-së për të orkestruar një grusht shteti.

Maduro ka lejuar dërgimet e ndihmave nga Kina dhe organizatat humanitare si Kryqi i Kuq, por ka refuzuar të hapë kufijtë e Venezuelës.

Muajin e kaluar, kufijtë me Brazilin dhe Arubën u rihapën për të "rivendosur jetën ekonomike, shoqërore, politike dhe kulturore", tha nënpresidenti venezuelian, Tareck El Aissami në një fjalim televiziv.

Gjithashtu të premten, Guaido njohu ndarjet brenda opozitës, duke thënë se ndryshimet do të përpunohen gradualisht, sepse "ne jemi të bashkuar në një kauzë".

"Po, ka pasur dallime dhe natyrisht që i kemi tani," tha ai duke folur në Valencia.

Guaido po përgjigjej ndaj komenteve të bëra nga Sekretari Amerikan i Shtetit, Mike Pompeo, i cili tha javën e kaluar se është e vështirë të mbajë opozitën venezueliane të bashkuar.

 

TAG:
• kufinj
• Nicolas Maduro
• Venezuela