Vijojnë trazirat në Venezuele ku vendi është përfshirë nga protestat antiqeveritare.

Tashmë një tjetër ngjarje e rëndë shënohet në Karakas, sulmohet me granata gjykata e lartë.

Sulmi ka ardhur nga një helikopter ku një person mbante në dorë një banderolë ku shkruhej Liri 350. Oficeri i policisë i cili pilotonte mjetin e vjedhur fluturues lëshoi një deklaratë ku denoncohej ajo që ai e quan “një qeveri kriminale”. 

Sipas zyrtarëve vendas, mbi gjykatë janë hedhur katër granata e ka pasur edhe 15 të shtëna në drejtim të Ministrisë së Brendshme.Presidenti Maduro dhe autoritetet e cilësuan veprimin një sulm terrorist duke shtuar se oficeri i policisë autor i sulmit ka qënë agjent në Ministrinë e Brendshme.

Sipas qeverisë  ku agression është mbështetur nga forcat ekstremiste të së djathtës dhe qeveritë e huaja.

Menjëherë pas ngjarjes forcat e armatosura kanë rrethuar tashmë kryeqytetin venezuelian.Ndërkohë forcat opozitare vijojnë të bëjnë thirrje që të vijojnë protestat deri në largimin e qeverisë.

Por edhe presidenti Maduro ka paralajmëruar  se ai dhe mbështetësit do të marrin armët nëse qeveria do të rrëzohet me dhunë.

[gallery]22841[/gallery]


Redaksia Online
e.m/Shqiptarja.com