POP 5

Lajmet më të lexuara të 5 minutave të fundit

Politikë

Venizelos: Ngjarja “Përmeti”
nuk ju ndihmon për integrimin

Ministri i jashtme grek, Evangelos Venizelos dhe ai shqiptar, Ditmir Bushati, janë takuar në Nju Jork, ku ndodhen për sesionin e ri të OKB-së.
Venizelos: Ngjarja “Përmeti”<br />nuk ju ndihmon për integrimin
NJU JORK - Qeveria greke i kërkon qeverisë shqiptare që të ndërhyjë në shmangien e veprimeve që përcjellin mesazhet e gabuara, sidomos nga pushteti vendor. Deklarata u bë ditën e djeshme, pas takimit që ministri i Jashtëm shqiptar Ditmir Bushati, zhvilloi në Nju Jork me ministrin e Jashtëm grek Evangelos Venizelos. “Duhet të shmangen veprime në nivel të pushtetit lokal dhe administrativ, që përcjellin mesazhe të gabuara”, thuhet në një njoftim të ministrisë së punëve të jashtme të Greqisë.

Venizelos, që duket se ka aluduar për ngjarjet në Përmet, muajin e kaluar, ka shtuar se akte të tilla “nuk ndihmojnë arritjen e objektivit të përbashkët të të dy vendeve për zgjerim të bashkëpunimit dypalësh dhe kultivimin e një fryme miqësie dhe fqinjësie të mirë, ndërsa nuk lehtësojnë as perspektivën europiane të Shqipërisë, gjë që përbën një dëshirë konstante të Greqisë”.

Venizelos dhe Bushati kanë folur edhe për vizitën që ministri i jashtëm grek do të zhvillojë në Tiranën zyrtare në datën 14 tetor, e para vizitë e një zyrtari grek në Shqipëri pas marrjes së detyrës nga kabineti Rama. Ministria e jashtme greke bën me dije se takimi Venizelos-Bushati, “u zhvillua në kuadrin politik që u krijua gjatë vizitës informale të kryeministrit shqiptar Edi Rama në Athinë dhe takimeve të tij me kryeministrin grek, Samaras si dhe me Venizelos”, që është njëkohësisht edhe nënkryetar i qeverisë.

Të dy ministrat kanë diskutuar për marrëdhëniet politike dhe ekonomike midis të dy vendeve, dhe perspektivat për bashkëpunimin rajonal në kuadër të ndërtimit të gazsjellësit TAP, ndërsa Venizelos e ka informuar Bushatin për prioritetet e presidencës greke të BE që do të ushtrohet
 
Shkrimi u botuar sot (25.09.2013) në gazetën shqiptarja.com
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Të rinjtë nga Gostivari në Tiranë për Paradën e shqiptarëve

Të rinjtë nga Gostivari në Tiranë për Paradën e shqiptarëve

28 Nëntor, 12:41