Vetëdorëzohet i kërkuari, i bashkohet
15 të pandehurve të Lazaratit 2014

Është dorëzuar në Prokurorinë e Krimeve të Rënda, një nga 16 të pandehurit e dosjes “Lazarati 14”. Klajdi Karemani, nga Patosi është vetëdorëzuar tek prokurorët e Krimeve të Rënda, të cilët po e hetonin atë në mungesë.

Mësohet se i riu ka mohuar të ketë pasur lidhje me grupin që sulmoi me armë policinë gjatë operacionit të zhvilluar një vit më parë në Lazarat, pasi sipas tij ai ka qenë në Greqi.
Po ashtu ai ka kërkuar edhe gjykim të shkurtuar.

Klajdi Karemani i shtohet grupit të 15 të pandehurve të tjerë si Gate Mahmutaj, Vandam Mahmutaj, Arjan Basha, Florian Shurdhi, Ramadan Basha dhe Gurgaz Skënderi, për të cilët deri tani janë zhvilluar 7 seanca gjyqësore.

Redaksia Online
(u.s/shqiptarja.com)
 

TAG:
• lazarat