“Qeveria e Kosovës po tenton të shfajësohet duke thënë se OSBE-ja do të organizoje zgjedhjet e jo Republika e Serbisë, mirëpo sipas deklaratave edhe të OSBE-së e edhe të qeverisë së Serbisë, OSBE vetëm do të monitorojë dhe do të lehtësojë zgjedhjet e Serbisë në Kosovë me një ekip prej 35 monitoruesish”.
“Qeveria, në komunikatën për këto zgjedhje, thirret në parimet dhe vlerat evropiane duke mundësuar qytetarëve me shtetësi të dyfishtë pjesëmarrjen në zgjedhje. Mirëpo, Serbia nuk e njeh Kosovën si shtet, dhe në kushtetutën e saj Serbia Kosovën e paraqet si pjesë të pandashme të saj”.
“Edhe këto zgjedhje Serbia i organizon në bazë të kushtetutës së saj ku qytetarët e Serbisë në gjithë territorin e saj do të votojnë për president dhe për parlamentin e ardhshëm të Serbisë. Pra, qeveria e Kosovës, po ja mundëson Serbisë respektimin e Kushtetutës së vet në territorin e Kosovës. Si edhe disa herë më parë, gjatë dialogut të qeverisë Thaçi me Serbinë, kjo qeveri po ja njeh Serbisë kushtetutën e saj, dhe automatikisht po e mohon shtetësinë e Republikës së Kosovës”.
“Nuk mund të shtiremi se marrëdhënia e Kosovës me Serbinë është marrëdhënie normale, dhe se organizimi i zgjedhjeve të Serbisë në Kosovë është një problem teknik i monitorimit të OSBE-së. Vendimi për mbajtjen e zgjedhjeve në territorin e Kosovës është vendim thellësisht politik, dhe është shkelje e rëndë e integritetit territorial e institucional të Republikës së Kosovës. Këtë e ka thënë edhe qeveria e Kosovës javëve të fundit edhe me veprimet e saj sporadike të konfiskimit të materialit zgjedhor”.
“Në qoftë se e gjitha paska qenë vetëm problem i monitorimit nga OSBE-ja atëherë, pse Policia e Kosovës paska konfiskuar material zgjedhor dhe paska arrestuar njerëz që kanë shpërndarë këtë material, kur dihet se në ndërkohë nuk ka ndryshuar as materiali zgjedhor e as ndonjë ligj apo rregullore për këto zgjedhje as në Kosovë e as në Serbi?!”.
Për ta bërë Kosovën sovrane dhe me sundim të ligjit, institucionet dhe Policia e Kosovës, lidhur me zgjedhjet e Serbisë me 6 maj, do të ndërmerrnin këta hapa:
1. Ndalimin dhe pengimin e ardhjes së zyrtarëve të Serbisë në Kosovë
2. Konfiskimin e çdo materiali zgjedhor nga Serbia
3. Arrestimin e zyrtarëve të Komisionit Republikan Zgjedhor të Serbisë në territorin e Kosovës
Kjo është në përputhje të plotë me Kushtetutën e Republikës së Kosovës, dhe, në fakt, është obligim nga Kushtetuta për të gjitha institucionet e Republikës së Kosovës.
Po ashtu, është ironike që misioni i OSBE-së në Kosovë, organizatë me mision ndihmues në demokratizim në shtetet ku vepron, që nga viti 2008 dhe shpallja e pavarësisë nuk ka ndihmuar apo lehtësuar organizimin e asnjë palë zgjedhjeve të Republikës së Kosovës, ndërsa tani po lehtëson organizimin e zgjedhjeve të Serbisë në Kosovë.
Lëvizja VETËVENDOSJE i bën thirrje edhe misionit të OSBE-së në Kosovë që të ndihmojë demokratizimin e vërtetë të Kosovës, duke i ndihmuar institucionet e Republikës së Kosovës në sfidat që i ka.
Lëvizja VETËVENDOSJE edhe njëherë rikonfirmon kundërshtimin e mbajtjes së çfarëdo zgjedhjeve të Republikës së Serbisë në territorin e Kosovës. Një Qeveri legjitime dhe demokratike, çfarë nuk është kjo Qeveri aktuale, do t’i pengonte këto zgjedhje e nuk do t’i mirëpriste ato”, thuhet ndër të tjera në reagimin e Vetëvendosjes.
/rg/shqiptarja.com/
Lajme të tjera
-
'Krimet me armë të lehta ndodhin kudo por në Shqipëri është më i ashpër' Ambasadori i OSBE-së: Siguria nuk është vetëm përgjegjesi e policisë
20 Nëntor, 17:32
-
Goditja e korrupsionit politik, financimi i partive dhe kufizimi për punësimin e titullarëve pas mbarimit të detyrës! Zbardhen disa nga propozimet në Komisionin e Posaçëm
13 Nëntor, 09:47 -
Mbahet tryeza e parë për Dokumentin Analitik, ekspertët zbulojnë gjetjet dhe rekomandimet për integritetin e administratës publike dhe konsolidimin e shërbimeve digjitale
4 Nëntor, 20:27 -
'Mashkull, femër apo të tjera', OSBE flet për sondazhin: E konsultuam me Kuvendin
29 Tetor, 09:18
-
Fitorja e partisë proruse, Presidentja e Gjeorgjisë thotë se nuk e njeh rezultatin e zgjedhjeve
27 Tetor, 22:27 -
'Mashkull, femër apo të tjera, çfarë gjinie je?', Tritan Shehu denoncon 'sondazhin' e OSBE-së për deputetët: Fyes, refuzoj ta plotësoj
24 Tetor, 20:21 -
Prapaskenat e garës për sekretarin e Përgjithshëm të OSBE, Shqipëria me kandidaturën e Igli Hasanit mund rivalin turk! Si do zgjidhet në Vjenë
26 Shtator, 17:15 -
Pas Celibashit, ambasadori i OSBE-së në Shqipëri takohet me Presidentin Begaj
7 Qershor, 21:05 -
Vota e diasporës/ OSBE: Mbeten vetëm 10 muaj për ta realizuar, e vështirë edhe për vendet e zhvilluara! Partitë të gjejnë marrëveshje sa më shpejt
4 Qershor, 20:59 -
PROFILI/ Merr detyrën kreu i ri i Prezencës së OSBE-së në Shqipëri, Tarran: Pres me padurim të punoj krah partnerëve shqiptarë
22 Maj, 11:51 -
Lufta në Ukrainë/ Moska: Sulmi në Belgorod nga Kievi u krye me armë të furnizuara nga NATO
12 Maj, 16:45 -
Basha takon ambasadoren e OSBE, në fokus reforma zgjedhore dhe drejtësia
18 Prill, 19:56
