POP 5

Lajmet më të lexuara të 5 minutave të fundit

Sociale

Vetëm 8 km larg qytetit të Vlorës, fshati Kërkovë prej vitesh pa rrugë dhe pa ujë të pijshëm

Për shkak të mungesës së infrastrukturës banorët po e braktisin fshatin duke u shprehur se politikanët i vizitojnë vetëm në kohë votimesh e më pas gjithçka kthehet si më parë.

Është vetëm 8 km larg qytetit të Vlorës, por fshati Kërkovë prej vitesh është lënë i harruar. Nuk ka ujë, nuk ka rrugë madje edhe shkolla ku mësojnë 65 nxënës është tërësisht e rrënuar përshkak të lagështirës e cila ka mbuluar këtë godinë. Banorët thonë se pushtetarët shkojnë në fshatin e tyre vetem kur kërkojnë votat, por pasi përfundojnë ato, askush nuk kujtohet për fshatin e tyre.

Marrim ujë me gomarë. Kur bie shi, e mbajmë vetë në krah.

Banor i fshatit 

Probleme tjetër është edhe rruga, e cila është e pa shtruar, por që premtimet për të nuk kanë munguar.

Duam rrugë dhe ujë. Rruga që na lidh me qytetin është tërësisht e amortizuar. 

Banor i fshatit

Janë rreth 1 mijë banorë të cilët jetojnë në Kërkovë, por ky numër sa vjen e ulet çdo ditë. Shkak për largimin e tyre është uji i pijshëm, i cili vjen një herë në 3 ditë, por që është i papërdorshëm përshkak të ndryshkut.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Thoni lamtumirë një personi... Çfarë thonë yjet për ju sot

Thoni lamtumirë një personi... Çfarë thonë yjet për ju sot

20 Prill, 07:08