Vetëshpalli kandidaturën për presidente, reagon Elena Kocaqi pas zgjedhjes së Bajram Begajt: E dija rezultatin! Bëni kujdes kur zgjidhni këtë klasë politike

Elena Kocaqi ka reaguar pas zgjedhjes së presidentit të ri, Bajram Begaj duke falënderuar të gjithë ata që mbështetën kandidaturën e saj për presidente. Historiania Kocaqi shpalli kandidaturën dhe renditi arsyet përse ishte e vlefshme për t'u zgjedhur presidentja e Shqipërisë për 5 vitet e ardhshme dhe tha se miqtë dhe të afërmit që e vlerësojnë, i sugjeruan të kandidonte. Por me një reagim në Facebook thotë se e dinte rezultatin, por vendosi që të plotësonte detyrën që të gjithë të kuptonin nivelin e klasës politike në Shqipëri që e cilëson "primitiv, injorant dhe anti-shqiptar".

“Dua të falënderoj të gjithë ata shqiptarë të Shqipërisë, Kosovës, Maqedonisë, Mali të Zi, Greqisë, diasporës, eksponent të biznesit të madh të Shqipërisë, miqtë e mi, njerëzit e mi të dashur, për gjithë vlerësimin dhe mbështetjen. Falënderoj militantët e të gjitha partive në vend që dolën dhe mbi pazaret e kryetarëve të tyre dhe më mbështetën publikisht. Nuk e dija që kisha kaq shumë mbështetje dhe jam tepër e nderuar për vlerësimin tuaj. Ju thashë PO, thjesht të kuptonit vet nivelin primitiv, injorant, anti-shqiptar, intrigant, arrogant të pjesës më të madhe të klasës politike në Shqipëri, sepse po t’iu kisha thënë jo, kurrë nuk do ta kishit kuptuar ketë gjë. Unë e dija që nga fillimi rezultatin, thjesht doja ta kuptonit ju.

Kjo ishte detyra ime ndaj jush dhe unë e plotësova, por as e keni idenë e kostove dhe rreziqeve qe unë mora përsipër, vetëm që ju të kuptoni ketë gjë, por unë e bëra me dashuri sepse e kam detyrim ndaj jush. Duhet te kuptoni që në politikë dhe në Shqipëri ka edhe njerëz të mirë dhe të zotët, por nuk jemi në një sistem demokratik. Segmente të caktuar të politikës nuk duan fare ta dinë se ça doni dhe mendoni ju, pasi ju nuk ekzistoni për ata. Ata nuk kanë fare nevojë për votën tuaj, se votojnë dhe numërojnë vet, ndaj as ju kanë fare në konsideratë. Ata duan te dinë vetëm për territorin e këtij vendi dhe për paratë e taksave tuaja, ndërsa popullit i kanë lënë dy opsione te rrijë urtë dhe paguaj taksat, ose nëse nuk do, të iki. Janë përpjekur tu zëvendësojnë me të huaj, por ata nuk rrinë këtu, sepse janë pagat shumë të ulta dhe çmimet më të larta në Evropë dhe nga kjo kanë dështuar", shkroi Kocaqi.

LEXO EDHE:
Zvicra mbetet pa ambasador shqiptar, Mustafa Nano jep dorëheqjen

Ndër të tjera thotë se i plotësonte të gjitha kushtet e një presidenti normal në Shqipëri sepse është e arsimuar, nuk ka kryer asnjëherë ndonjë krim dhe nuk e shet atdheun. Për këtë arsye i sugjeron të gjithëve që të mos i besojnë klasës politike. Duke iu referuar ministrit të jashtëm grek, Kocaqi thotë se nuk është e denjë për standardet historike të politikës shqiptare dhe thekson se nuk mund të ndryshojë në këtë moshë dhe me edukimin që ka.

Presidenti sipas politikës shqiptare, duhet të jetë një njeri normal dhe nuk ka fare rëndësi kupton apo jo nga shteti, ligji, marrëdhëniet ndërkombëtare etj. Unë jam shumë e kualifikuar për postin e presidentit, pasi jam juriste, profesore e së drejtës kushtetuese dhe qeverisjes, historiane, kam doktoratë në marrëdhëniet ndërkombëtare dhe këto nuk janë kritere që duhet të përmbushi një president normal në Shqipëri.

Sigurisht që nuk kam kryer ndonjë krim, as kam vjedhur, as kam bërë korrupsion, madje asnjë gjobë për makinën nuk kam marrë dhe kështu nuk mund të përmbush kriteret për një post të tillë, pasi nuk kam eksperiencë kriminale, qe është e domosdoshme në kushtet e politikës shqiptare 110 vjeçare. Nuk shes atdheun, as tokën as detin dhe kjo është një minus i madh për mua, pasi këtu e ke te lehtë të kapësh majat kur plotëson këto kushte. Kjo u pa qartë që ministri jashtëm grek deklaroi që presidenti i ri, do të përdoret për detin dhe politika e Tiranës si vend vasal zbaton urdhrat e bosëve politike ndërkombëtar. Presidentin tuaj nuk e vendosni ju, por tjerët.

Kështu që nuk jam e denjë për standardet historike të politikës shqiptare që unë e njoh shumë mirë dhe qe do tia shkruaj historinë ashtu siç e meritonë. Me vjen keq se mbase ju kam zhgënjyer me ketë jetën time aspak normale në kushtet e Shqipërisë, por unë nuk mund të ndryshojë në ketë moshë dhe me ketë edukim që kam.

Në përfundim, pasi falenderon të gjithë ata që e kanë mbështetur, Kocaqi thotë se pushteti më i madh është dashuria dhe respekti i qytetarëve, jo politika. 

Ju dua shumë te gjithëve ju që me keni dashur dhe mbështetur, si dhe të gjithëve ju që nuk me keni dashur, pasi unë nuk e njoh fare ndjenjën e urrejtjes, njoh vetëm atë të dashurisë.

Këshilla ime bëni kujdes kur mbështesni ketë klase politike dhe kërkoni që të zgjidhni vet presidentin dhe deputet nga breza tē rinjë në politikë, ndryshe ky vend nuk është me juaji. I kërkoj diasporës dhe shqiptarëve kudo ku janë, të mos braktisin Shqipërinë, por ti dalin zot nënës tuaj, pasi ju e doni ketē vënd me zemër. Nëse ka një popull që duhet ta quaj Shqiperinë nënë, ata janë vetēm shqiptarët. Ju mundeni se ju keni qeverisur historikisht botën dhe ka ardhur momenti të qeverisni vendin tuaj.

Misioni im u krye, pasi qellimi im ishte te kuptoni se jeni duke humbur vendin tuaj. Unë as e kam fare problem për pushtet dhe ndaj as jam afruar në politikë. Për mua pushteti im më i madh ēshtë dashuria dhe respekti juaj”, shkroi Kocaqi.

TAG:
• elena kocaqi
• Bajram Begaj
• bajram begaj zgjidhet president
• zgjedhja e presidentit te ri