Dhuna në familjen Loka që çoi në vetëvrasjen e Bedries 41 vjeçare, ishte kthyer në brengën e 4 fëmijëve, 3 djemve, e më së shumti vajzës së fejuar 22-vjeçare, e cila në disa biseda në whatsapp me babain e saj e kritikon përse e dhunon nënën dhe përse nuk i jep zgjidhje raportit konfliktual, qoftë ky edhe një divorc i mundshëm siç lihet të kuptohet kur vajza i thekson disa herë të vijë nga Greqia për vit të ri dhe t’i japë zgjidhje situatës.
Xhemal Loka në një komunikim të ftohtë, në të cilin përpiqet të bëjë fajtore dhe vajzën se nuk i del krah që ai i dhunon nënën, i quan këto probleme të familjes së tij, në të cilat e bija nuk duhet të ndërhyjë.
Vajza: Mua më keni bërë të huaj. Po kur ti bën të padrejtë me mamin e ne fëmijët, s’do ta lejoj fare. Se i ke ca gabime dhe ti o bab. Hajde për Vit të ri dhe merru vesh me të vetë.
Babai Xhemal Loka: Ti do me qen fëmijë taman, ti me këtë qëndrim që të thashë unë nuk ke asnjë të drejtë.
Vajza: Kur ti bën sherr në familje, rreh mamin e bën këto gjëra, jo unë po krejt fëmijët s’ta lejojmë. Ti kur i bën mamit ato gjëra s’do as ne.
Në bisedën babë e bij që hetuesit kanë në dorë pasi zbërthyen telefonët e familjarëve, Xhemal Loka flet edhe për faktin se nuk e lejonte gruan të takonte nënën e saj në moshë e të sëmurë.
Babai Xhemal Loka: Mami jot nuk ka asnjë të drejtë të shkojë kund pa më pyet mua.
Vajza: Ti a thua se për mua ka vdekur? Ajo s’është askushi? Hajde për Vit të Ri merru vesh me të.
Babai Xhemal Loka: Kaq di të them. Vëri gishtin kokës.
Vajza: Bën të padrejtë, rri e kërcënon. Me mua s’ke punë fare t’më peshosh mua me faj.
Babai Xhemal Loka: Unë nuk të kam ndërhyrë në familjen tënde.
Vajza: Po kur kam problem me familje do më dalësh përzot si baba. Unë shoh se ju rrini e rriheni normal që do ndërhyj se jeni familja ime.
Babai Xhemal Loka: Dhe ti nuk ke asnjë të drejtë të fusësh hundët te familja ime merre vesh se çfarë po të them.
Vajza: Kur duheni s’kam pse ndërhyj, shyqyr që duheni.
Xhemal Loka, i cili kryesisht jetonte në Greqi ku bënte edhe punë sezonale, i sëmurë nga xhelozia, dyshon se gruaja e tij nxitet jo vetëm nga vajza por edhe nga një shoqe, emri i të cilës nuk përmendet.
Babai Xhemal Loka: Se ja ke qit ment mamit tan dhe një shoqe e asaj.
Vajza: Kur rriheni çfarë të rri të shoh se çfarë jeni duke bërë?!
Deshmite tronditese
Dëshmitë e fëmijëve të çiftit ishin prova më e fortë në duart e hetuesve, që ndryshoi 360 gradë historinë e vetëvrasjes së Bedri Lokës, nga alibia e burrit se u vra pas hapjes së një profili në Tik-Tok me foto denigruese, te dhuna e përsëritur në familje si fizike dhe psikologjike, që sipas akuzës, e shtyu gruan drejt aktit ekstrem.
Fëmijët rrëfyen se kur babai ishte në Greqi e telefononte nënën dhe i thoshte se do e vriste, dhe në disa raste, se do e shtynte drejt vetëvrasjes, pasi e akuzonte se kishte lidhje jashtëmartesore. Djemtë dhe vajza treguan episode të freskëta dhune kur babai ishte kthyer për festat e fundvitit në Sukth, dhe kishte goditur me grushte e shkelma nënën. Një skenë dhune është filmuar nga djali i vogël teksa babai kërcënon nënën dhe djali më i madh i del në mbrojtje duke u futur në mesin e tyre.
Në mesin e dyshimeve për tradhti, ishte vajza që hodhi dyshime se babai i saj mund të kishte lidhje me tjetër grua, kur foli për disa letra që Bedrie Loka gjeti në banesë nga një franceze që i pohoi djalit të çiftit se kishte pasur lidhje me Xhemal Lokën.
Edhe në ditën e ngjarjes, 2 janarin e 2024-ës, kur Bedria piu fostoksinë, vajza tregoi se mami dhe babi kishin pasur debate, e shumë herë nëna i kishte pohuar se është lodhur nga këto sherre e do vriste veten.
Xhemal Loka, i cili u la në burg pasi akuzohet se ka shtyrë gruan e tij Bedrie Loka drejt vetëvrasjes, për shkak se ushtronte dhunë fizike dhe psikologjike ndaj të ndjerës, ka hedhur akuza ndaj vëllezërve të saj se janë ata që i kanë dërguar armën në shtëpi.
Report Tv mëson se po administrohen materialet për te verifikuar provat e ngjarjes se vetëvrasjes se Bedrie Lokes. Arma e gjetur në banesën e Xhemal Lokes do t’i nënshtrohen ekspertizës për të analizuar shenjat e gishtërinjve duke qenë se ky i fundit ka mohuar të ketë mbajtur atë armë në banesë dhe duke qene se familjarët pretendojnë se armën ua ka sjellë në banesë për të bërë fajtor Xhemal Lokën.
Po ashtu mësohet se është rikthyer në vëmendje ngjarja e Tik-Tok. Janë sekuestruar foto, video dhe bisedat të cilat po shqyrtohen për më shumë. Në telefonin e Xhemal Lokës janë zbuluar bisedat ku ky i fundit është kërcënuar nga familjarë të Bedries, lidhur me ngjarjen e Tik-Tok, pasi u ka kërkuar me ngulm që foto të fshihet nga Tik-Tok dhe të vënë përpara përgjegjësisë fajtoren.
Ndërkohë janë sekuestruar pamjet filmike të komisariatit të Manzës pas deklaratave të familjes Loka, të cilat do të përdoren si prova materiale dhe dëshmi midis palëve ditës që u është kërkuar të paraqiten për të deklaruar në polici vetëvrasjen, pasi kanë hasur qëndresë nga familjarët e Bedries dhe kanë pasur përplasje fizike.
Lajme të tjera
-
Media gjermane pranon se artikujt për Portin e Durrësit ishin të gabuara dhe i tërheq mbrapsht
17 Dhjetor, 21:04 -
Durrës/ Rekrutonin vajza aziatike për prostitucion në Shqipëri, goditet grupi kriminal kinez! Një i arrestuar, 2 në kërkim dhe 7 vajza nën hetim (EMRAT+DETAJET)
17 Dhjetor, 10:40 -
Lamtumirë Noela Caka, trëndafila në bankën e maturantes që nga vdiq nga meningjiti akut! Talenti për pikturën, drejtori: Spikaste
16 Dhjetor, 15:21
-
Ekskluzive/Adoleshentja nga Durrësi vdiq nga meningjiti akut, epidemiologia e ISHP-së: Shkoi në ekskursion me klasën në Voskopojë! Bëmë hetim epidemiologjik
16 Dhjetor, 13:03 -
Tragjike! Humbi jetën nga meningjiti akut, gjimnazi ku studionte e mitura: Nuk është e lehtë të gjenden fjalët kur zemra është e rënduar
16 Dhjetor, 13:01 -
Ikin dritat në stadiumin e Durrësit, Teuta - Egnatia ndërpritet për pesë minuta
15 Dhjetor, 17:20 -
U prek nga meningjiti akut, humb jetën 17-vjeçarja nga Durrësi! Familjarët dhe mjekët që e asistuan udhëzohen të vaksinohen
15 Dhjetor, 16:43 -
Ekskluzive/ Të afërmit flasin për jetën e Simakut: E shkatërruar për djalin, shteti shqiptar ta ndihmojë të bashkohen
15 Dhjetor, 11:17
-
Gëzim Kabashi: Me klerikët miq të Durrësit, një shekull më parë
15 Dhjetor, 09:40
-
Vodhi një makinë në Durrës, arrestohet 26 vjeçari nga Erseka
14 Dhjetor, 12:49 -
Moti i keq/ Kapiteneria e Portit të Durrësit dhe Vlorës ndalon sot lundrimin e anijeve të vogla të peshkimit! Tragetet vijojnë normalisht
14 Dhjetor, 10:06 -
Vrasja e Durrësit/ Gruaja e Majlindit ekskluzivisht për pa ‘Pa Gjurmë’: Policia gënjeu, ishte në shtëpi ditën e ngjarjes! Branko s’më ka ngacmuar, kemi ikur nga frika e hakmarrjes
13 Dhjetor, 16:23
