POP 5

Lajmet më të lexuara të 5 minutave të fundit

Kronikë

Vetëvrasja e kuksianit te '313'-ta, ish-deputetja demokrate: Rama mbushi qelitë me hallexhinj

Për këtë rast të sistemit të drejtësisë, demokratja akuzon sërish kryeministrin Rama, kur thotë se 'mbushi qelitë e burgjeve me hallexhinj dhe trafikantët, përdhunuesit e kriminelët e vërtetë, bëhen ministra, deputetë e kryetarë të bashkive'.

Vetëvrasja e kuksianit te '313'-ta, ish-deputetja demokrate: Rama mbushi qelitë me hallexhinj

Izmira Ulqinaku

Ish-deputetja demokrate Izmira Ulqinaku ka reaguar për rastin e vetëvrasjes në burg të kukësianit Bilbil Hasani, i cili qëndronte në qeli në pritje të gjyqit, pasi akuzohej për vjedhjen e një shume shumë të vogël lekësh. Për këtë rast të sistemit të drejtësisë, demokratja akuzon sërish kryeministrin Rama, kur thotë se 'mbushi qelitë e burgjeve me hallexhinj dhe trafikantët, përdhunuesit e kriminelët e vërtetë, bëhen ministra, deputetë e kryetarë të bashkive'.

"Ndërkohë që Edi Rama me sistemin e tij privat të drejtësisë mbush qelitë e burgjeve me hallexhinj; trafikantët, përdhunuesit dhe kriminelët e vërtetë, bëhen ministra, deputetë e kryetarë të bashkive. Është koha e maskarenjve ku për vjedhjen e 12 mijë lekëve të vjetra mbahet në burg kryefamiljari, i cili për muaj ka pritur dënimin në qelinë, ku nën presionin e opinionit dhe i mbërthyer nga ankthi e depresioni, dje ka bërë vetvrasje.

Këtë herë viktima e sistemit të kalbur kriminal të Edi Ramës quhet Bilbil Hasani. Nuk duhen harruar edhe shumë raste të ngjashme në këto 7 vite, ku kryefamiljarë të shumtë i kanë dhënë fund jetës nga pamundësia ekonomike e pagesës së tarifave të energjisë elektrike.Ndërkohë, Saimir Tahiri i akuzuar për trafik ndërkombëtar droge, shijon lirinë dhe hetohet në gjendje të lirë.

Kriminelët e vërtetë të Shqipërisë janë pasuruar nga Edi Rama dhe është e pamundur të dënohen derisa ai të jetë Kryeministër. Saimir Tahiri, Fatmir Xhafaj, Vangjush Dako, Arben Ndoka, Armando Prenga, etj, me në krye Edi Ramën, janë të lirë dhe po shijojnë paratë e pasuritë e vëna nga korrupsioni, krimi e droga. Janë këto kriminelë që e sollën Ramën në pushtet dhe jo vota e lirë, prandaj politika e tij është t'i varfërojë e t'i shtypë shqiptarët e zakonshëm e të pamundur, sepse i blen më lehtë kur ka zgjedhje.

Në burg duhet ta kenë vendin kriminelët e vërtetë, ato që çdo ditë vjedhin shqiptarët, dhe jo hallexhinjtë të cilët mundohen të mbijetojnë dhe luftojnë për kafshatën e bukës! Edi Rama ka dështuar!" shkruan Izmira Ulqinaku.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02