POP 5

Lajmet më të lexuara të 5 minutave të fundit

Kronikë

U arrestua për dhunë, vetëvritet në qelitë e komisariatit të Kukësit, policia: Vuante nga epilepsia, vdiq në spital (EMRI)

Sipas drejtorisë së policisë së Kukësit, 49-vjeçari u dërgua në spital pasi nuk ishte ndjerë mirë e aty ndërroi edhe jetë. Por sipas burimeve nga Drejtoria e Përgjithshme e burgjeve, Medi Gjuni është gjendur i vetvrarë në dhomën e shoqërimit të komisariatit. 

 

Një person është vetëvrarë paraditen e sotme në qelitë e komisariatit të Kukësit, ndërsa policia jep një tjetër version për ngjarjen. Viktima është Medi Gjuni 49-vjeç.

Sipas drejtorisë së policisë së Kukësit, Gjuni u dërgua në spital se nuk ishte ndjerë mirë në dhomat e paraburgimit, pasi vuante nga epilepsia, dhe aty ndërroi edhe jetë. Ndërsa burime nga Drejtoria e Përgjithshme e burgjeve i thanë Shqiptarja.com se Medi Gjuni është vetvrarë në dhomën e shoqërimit të komisariatit. .

49-vjeçari ishte arrestuar në ditën e parë të 2019-ës për dhunë në familje, pas denoncimit nga bashkëshortja. Kjo ishte hera e dytë që Medi Gjuni arrestohej për dhunë në familje, pasi herën e parë ishte arrestuar dhe dënuar në datë 28 gusht 2016, po për dhunë ndaj gruas.

E ndërsa trupi është transportuar për autopsi, grupi hetimor ka mbërritur në vendin e ngjarjes dhe po punon për të zbardhur ngjarjen.

Njoftimi i policisë së Kukësit
Sot, në orët e para të mëngjesit është konstatuar nga personeli i sherbimit në dhomat e paraburgimit shtetasi M.Gj, vjeç 49, banues në Kukës, në gjendje të rëndë shëndetësore. Menjëherë është transportuar në spitalin e Kukës ku më pas ka gjetur vdekjen.  Shtetasi M.Gj., është arrestuar më datë 1 janar 2019, për veprën penale "Dhuna në familje", ku ka qenë i dënuar dhe më parë për të njejtën vepër penale. Shtetasi M.Gj. dyshohet se vuan nga sëmundja e epilepsisë. Grupi hetimore nën drejtimin e Prokurorisë së Rrethit po punon për përcaktimin e shkakut të vdekjes dhe dokumentimin e ngjarjes.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Antikazani: 04/01/2019 14:39

    Sa per informacion drejtoria e burgjeve nuk ka asnje lidhje me dhomat e shoqerimit ne komisariatet e policise ne e duam median e duam informacionin por nuk duam qe familjet e personave te vrare apo te vdekur te abuzohen me informacionet e pasakta qe publikojn mediat ne shqiperi ju lutem gazetareve te jene me profesional

    Përgjigju
  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

Hetimet e SPAK mbi Kadastrën, arrestohen dy persona për ushtrim të ndikimit të paligjshëm

26 Prill, 22:49