Deputeti i PD, akuzon kryeministrin se ka gënjyer dhe pasojat janë qindra miliona euro çdo vit për popullin shqiptar.
"Ti gënjen e ç’të gënjyer! Gënjeshtrat e tua kushtojnë qindra miliona euro çdo vit duke mashtruar dhe vjedhur popullin tend.
Të paktën Merkelin nuk e kishe gënjyer dot siç nuk gënjen dot më asnjë udhëheqes europian apo amerikan.
Tani ka ardhur koha të merresh me kohë të plotë me ekspozitat dhe të provosh a hap dot ndonjë pa qenë kryeminister!" shkruan Bogdani.
Rama ironizoi pretendimet e Partisë Demokratike, të cilët kanë ngritur dyshime se ligji bie ndesh me Kushtetutën.
"Gënjej unë, gënjen BE, gënjejnë SHBA, gënjejnë të gjithë veç Lulit e PD, që janë i vetmi përkthyes besnik i të vërtetave të këtij vendi", deklaroi Rama në Facebook.
Komisioni i Venecias zbardhi mesditën e kësaj të mërkure opinionin final për ligjin e Vettingut, ku konfirmoi kushtetutshmërinë e ligjit.
dy.b/shqiptarja.com