Vetmia e njerëzve të mirë
Nuk është nevoja të bëhen sondazhe për të kuptuar se sa e duam të drejtën, të vërtetën ne shqiptarët. Ku jetojmë e punojmë, lehtësisht vërehen flirtimet me korrupsionin në nivele të ndryshme, sipas mundësive dhe kontakteve me pushtetin.
Nuk është nevoja të bëhen sondazhe për të kuptuar se sa e duam të drejtën, të vërtetën ne shqiptarët. Ku jetojmë e punojmë, lehtësisht vërehen flirtimet me korrupsionin në nivele të ndryshme, sipas mundësive dhe kontakteve me pushtetin. Kush në të vërtetë kërkon të respektojë rregullat, të punojë ndershëm, të ndjekë të vërtetën stonon, përjashtohet, mbetet vetëm. Ka ndodhur dhe të vritet, si në rastin e komisar Dritan Lamajt.
Si sot e kujtoj kur një mike, një vajzë e drejtë dhe ëndërrimtare, e cila punonte në administratën shtetërore erdhi në redaksi dhe më tha: “Dua ta denoncoj ministrin tim, po bën korrupsionet më të mëdha që mund të imagjinohen. Nuk mund të hesht ndërkohë që ky individ rrëmben çdo gjë dhe punon vetëm për vete”.
Mikesha ime e mirë e la punën në administratë, por në redakasi nuk erdhi më të denonconte ministrin e saj që e kishte menduar njeri me moral të lartë.
Sot ai ministër është ndër politikanët më të njohur, jep mend, shet moral e libra. Atij asgjë nuk i ka ndodhur, përkundrazi, është shpërblyer nga shoqëria dhe sistemi ynë i drejtësisë dhe shtetformimit me një jetë komode dhe mirëqënie të siguruar gjatë.
Por unë mendoj, edhe nëse mikesha ime do të dilte në TV dhe do të bërtiste me të madhe se kishte fakte, ishte dëshmitare, kishte parë korrupsionin, sistemi i amortizimit të skandaleve do të vepronte me shpejtësi dhe jashtë sistemit do të mbetej sërish mikesha ime dhe jo ish-ministri, sot politikan “në modë”.
Këto ditë mbi zyrtarë të Shtetit bie dyshimi i madh për fshehjen e një urdhër arresti nga autoritetet belge për deputetin Mark Frroku. Kush e ka fshehur? Kush e ka ditur dhe nuk ka folur? Kush ka heshtur? Përse? Komisar Dritan Lamaj kishte kërkuar informacione nga Interpol Tirana më 2012 dhe si përgjigje mori humbjen e jetës. Shteti e tradhëtoi tre vite më parë, ëndërrojmë të mos e ketë tradhëtuar edhe tani. Komisar Lamaj u vra vetëm sepse po kërkonte të vërtetën dhe të drejtën.
Nëse në vendin tonë, mes radhëve të administratës, medias, politikës, shoqërisë civile do të kishim më shumë individë me integritet dhe me forcën për të denoncuar padrejtësitë dhe për t’i ndëshkuar, do të kishim një Shtet më të mirë. Por deri më sot, të mirët, ndjehen kaq vetëm.
Sondazhi i ditës:
Si e vlerësoni takimin e Ramës me shqiptarët në Athinë?
-
Të nevojshëm
68.3%
-
Të panevojshëm
25.3%
-
Nuk e di
6.4%
Vota total: 5669
Lajme të tjera
-
Zgjedhjet në SHBA/ Trump shton sulmet personale ndaj kandidatit të pavarur: Familja e Kennedy Jr, një tufë të çmendurish
11 Maj, 22:43
-
GOLAT/ Milani 'shuplakë' 5-1 Cagliarit, kuqezinjtë e mbyllin Serie A në vendin e dytë! Bologna i befason të gjithë, mposht 0-2 Napolin dhe parakalon Juven
11 Maj, 22:39
-
FOTO/ Kim Jong Un mbikëqyr testimin e raketahedhësit të ri
11 Maj, 22:18
-
Vizita e Ramës në Athinë, Mitsotakis: Greqia s'do ta ndalonte kurrë një lider të huaj të takonte bashkëatdhetarët e tij! Koha, jo e duhura
11 Maj, 22:03
-
Jakin Marena: Rama në Athinë, ekstremistët ‘grekë’ Berisha-Meta ‘plasin’ në Tiranë
11 Maj, 21:56
-
Dy vite nga bombardimi i konsullatës shqiptare në Ukrainë, prokuroria shqiptare interesohet për ecurinë e hetimeve
11 Maj, 21:51
-
Zyrtare/ Islam Dudaev në 'Paris 2024', Shqipëria me dy mundës në Lojërat Olimpike
11 Maj, 21:41
-
Ardi Gjançi, 'arkitekti' i Skënderbeut! Korçarët u ringritën nga hiri
11 Maj, 21:39
-
Mitsotakis vizitë në Turqi për të përmirësuar lidhjet e dëmtuara
11 Maj, 21:33
-
VIDEO/ Momenti i arrestimit të Ervis Myrtaj, vodhi 2500 euro dhe sende me vlerë në makinën e çiftit italian
11 Maj, 21:20
-
Lulzim Basha: Po të dëgjonte këshillat e mia, do ishte më mirë për Berishën, familjen e tij dhe për PD
11 Maj, 21:07
-
Itali/ Arrestohen 2 vëllezërit shqiptarë, goditën me thikë në gjoks bashkatdhetarin e tyre
11 Maj, 21:01