TIRANE-Përkthimi i Vettingut ishte korrekt. Ata që kanë frikë nga Reforma në Drejtësi sajojnë gënjeshra për EURALIUS, BE dhe Gjykatën Kushtetuese.

Kjo ishte përgjigja e ashpër e ambasadorit amerikan i akredituar në Shqiperi Donald Lu ndaj kritikëve për ligjin e Vetting, drafti për të cilin i dërguar nga PD në Venecia po mban të bllokuar zbatimin e Rëformës në Drejtësi.

Deklarata e Lu u bë sot në një konferencë simpozium kundër korrupsionit, ku theksoi se Reforma në Drejtësi do të bëjë të mundur që korrupsioni të ndëshkojë cilindo politikan që është korruptuar, i majtë apo i djathtë qoftë ai.

“Populli duhet të pres që shumë nga kontrabandistët e drogës do të futën në burg, duhet të prisni që politikanë të korruptuar nga e djathta dhe nga e majta të dënohen. Më e rëndësishmja duhet të prisni që kontrabandistë e drogës dhe krerët e krimit të organizuar dhe politikanë, gjyqtarë e prokurorë të ndihen të frikësuar. Shohim që këta tashmë janë të frikësuar. Për shkak të frikës së tyre ata po sajojnë histori dhe thonë gënjeshtra për ambasadorin e BE, EURALIUS dhe Gjykatën Kushtetuese. Sikurse e tha vetë dhe gjyqtari Dedja, gjykata ka dërguar një përkthim të rishikuar në Komisionin e Venecias dhe asnjë nga dallimet e përkthimit nuk ishte dobësuar”, u shpreh Lu.

Qytetarët të presin  që politikanët e korruptuar nga e djathta dhe e majta të dënohen. Këta persdona janë të frikësuar dhe duan ta shmangin këtë reformë dhe thonë gënjeshta për ambasadorin e BE, EURALIUS", është shprehur Lu. Fjala e plotë e ambasadorit Lu në konferencën ' Simpoziumi Antikorrupsion' 



Rama: Frikë se Kushtetuesja do bëjë rezistencë pasi Venecia të jap opinionin për Vetingun

Duke folur për ligjin më të rëndësishëm që çel zbatimin e Reformës në Drejtësi, kryeministri Rama është shprehur se i frikësohet reagimit të Gjykatës Kushtetuese pasi ajo të jap opinionin e saj për Vetingun. Sipas tij, ka arsye që e bëjnë atë të mendojnë se Gjykata Kushtetuese do të bëjë rezistencë ndaj opinionit të Venecias.

"Dua shumë që kur Vendecia të jap opinionin e saj për Vetingut,  nuk do ndeshemi me rezistencën  e Gjykatës Kushtetuese. Kam arsye që të dyshoj se GJK nuk do të sillet ashtu siç duam pasi kemi një shenjë të sjelljes së Kushtetueses ndaj ligjit të pronave. Gjykata ka bërë ndryshime në ligjin e pronave që bie ndesh me opinionin e Venecias", ka deklaruar Rama.

Gjithashtu, kreu i qeverisë ka deklaruar se nisja e zbatimit të Reformës në Drejtësi jo vetëm do të sillte spastrimin nga gjyqtarët e prokurorët e korruptuar në rradhët e sistemit të Drejtësi, po dhe do të ndryshonte imazhin e gjyqtarëve dhe prokurorëve të pa korruptuar.

"Politikanët e korruptuar i bëjnë të pa korruptuarit të duken njëlloj, e njëjta gjë vlen për prokurorët e gjyqtarët.  Kjo është arsyeja pse Vetingu është i rëndësishëm, jo vetëm për të pastruar të korruptuarit nga drejtësia por dhe për të dhënë një mesazh për gjyqtarët e prokurorët të pa korruptuar", është shprehur ai.
 
Kryeministri i shqipërisë, Edi Rama është ndalur dhe tek korrupsioni në sistemin e Drejtësisë si dhe në sistemin e Shëndetësisë. Sipas tij, po ndërtohet një sistem pilot, që do të nis me hipotekat. Ky sistem do të ul korrupsionin në marrëdheniet mes qytetarëve dhe shtetit.

"Po ndërtohet një sistem pilot, që do të nis me hipotekat. Qytetarët do drejtohen në një qendre të vetme ku do të marrin shumë shërbime, dhe kjo zyrë do t'u drejtohet zyrave të tjera.  Nuk është qytetari që do të shkoj nga zyra në zyrë. Përmes reformave dhe modernizimit ne do të ulim korrupsionet në marrëdhënien e njeriut me shtetin" , tha Rama.