POP 5

Lajmet më të lexuara të 5 minutave të fundit

Kronikë

Vettingu i KPA-së shkarkon përfundimisht kreun e Prokurorisë së Lushnjës! KPK i gjeti Arben Dylës probleme me pasurinë

Pas më shumë se dy dekada në sistemin e drejtësisë, magjistrati Arben Dyla përjashtohet për 15 vitet e ardhshme. KPK e shkarkoi në muajin Shtator 2021 pasi nuk justifikoi dot pasurinë, e ankimoi në muajin Nëntor të atij viti. Vendimi u la sot në fuqi nga KPA-ja me formë të prerë

Vettingu i KPA-së shkarkon përfundimisht kreun e Prokurorisë së Lushnjës! KPK i gjeti Arben Dylës probleme me pasurinë

Arben Dyla, prokurori i shkarkuar nga Vettingu i KPA

Tiranë- Vettingu i KPA-së nxjerr përfundimisht nga sistemi i drejtësisë për 15 vitet e ardhshme kreun e Prokurorisë së Lushnjës, Arben Dyla, duke lënë në fuqi vendimin e shkallës së parë të KPK-së katër vite më parë, pas problematikave të gjetura në kriterin e pasurisë.

Trupi gjykues i Kolegjit të Posaçëm të Apelimit, i përbërë nga Albana Shtylla kryesuese, Rezarta Schuetz relatore, Ina Rama, Mimoza Tasi, Natasha Mulaj anëtare, shpalli sot (28 Janar) vendimin për çështjen e datës 26 Nëntor 2021, që i përket ankimit të magjistratit Arben Dyla, kundër vendimit të Komisionit të Pavarur të Kualifikimit, i dhënë më 9 Shtator 2021.

“Në përfundim të gjykimit në dhomë këshillimi, trupi gjykues, bazuar në nenin 66, pika 1, germa “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, në mënyrë unanime, KPA vendosi: Lënien në fuqi të vendimit nr. 435, datë 09.09.2021 të Komisionit të Pavarur të Kualifikimit, që i përket subjektit të rivlerësimit Arben Dyla. Ky vendim është përfundimtar dhe ka efekt të menjëhershëm”, thuhet në njoftimin e institucionit të Vettingut. 

KPK shpalli vendimin në shkallën e parë bazuar te problematikat e konstatuara te kriteri i pasurisë. Dyla kërkoi rihapjen e hetimi edhe për dy kriteret e tjera të Vettingut por kërkesa u refuzua nga trupa gjykuese me argumentin se subjekti  i rivlerësimit nuk e refuzoi dot barrën e provës.

Drejtuesi i Prokurorisë së Lushnjës, Arben Dyla, u përball me dyshime për pasurinë gjatë seancës dëgjimore të zhvilluar të martën në Komisionin e Pavarur të Kualifikimit.

Një prej gjetjeve ishte fakti se magjistrati figuronte pa shtëpi, por iu gjet një apartament 150 m2. Një tjetër problematikë ishte mosjustifikimi i dhënies së parave borxh apo me interesa sipas KPK.

Dyla e ka filluar karrierën si prokuror në vitin 2001 në Prokurorinë e Rrethit Gjyqësor Mat. Në vitin 2008 ai është transferuar për të kryer funksionin në Prokurorinë e Lushnjës.

A.Q/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01