Vettingu, Ina Rama: Jam e paanshme
Noka:Të skualifikoi Strasburgu

Ish-kryeprokurorja Ina Rama është paraqitur sot përpara komisionit ad hoc, për vlerësimin e kandidatëve që do përbëjnë organet e Vettingut. 

Rama kandidon për Kolegjin e Apelimit, një organ ky i cili do të shqyrtojë ankesat e gjyqtarëve dhe prokurorëve të skualifikuar.

Gjatë dëshmisë përpara deputetëve në komisioinin ad hoc, Ina Rama u shpreh se gëzon besueshmëri të plotë për të ushtruar këtë detyrë. 

"Unë gëzoj besushmërinë e publikut për këtë rol. Kam punuar me përkushtim, kam qenë e paanshme dhe nuk jam pranë asnjë force politike. Nëse do të isha përfshirë në politikë, do të isha sistemuar në ndonjë post tjetër. Kam bërë 5 vite beteja ligjore që të rikthehesha në gjyqësor. Kam fituar gjyqin në të gjitha shkallër, por nuk ekzekutohet vendimi", është shprehur Ina Rama. 

Nga ana tjetër, deputeti i PD, Flamur Noka i kujtoi ish-kryeprokurores akuzat e demokratëve për qëndrime të njëanshme të saj e të ndikuara politikisht, si dhe skualifikimin nga Gjykata e Strasburgut disa muaj më parë. 

"Mendoni se akuzat për politizim dhe përfshirje në çeshtje politike, bëjnë që të humbet besimi te ju? Ju kujtoj që jeni kandidaturë e skualifikuar nga Gjykata e Strasburgut", tha deputeti demokrat. 

Përgjigja e Ina Ramës ishte se ka punuar me profesionalizëm dhe paanshmëri. Ndërsa sa i takon Strasburgut, Ina Rama u përgjigj se skualifikimi erdhi për shkak të procedurave. 

"Lista u kthye mbrapsht per mos ndjekje te procedurës nga Shqipëria. Arsyet ishin procedurale. Asnjë gjë personale", tha Ina Rama.

Ina Rama kandidon në Kolegjin e Apelimit
Ish-kryeprokurorja Ina Rama kandidon për një vend në Kolegjin e Apelimit. Kolegji i Apelimit është organi i cili do të shqyrtojë ankesat e gjyqtarëve dhe prokurorëve të skualifikuar.

Debati në komisionin ad hoc të Vettingut

Ina Rama: Nuk kam të afërm në sistemin e drejtësisë.

Flamur Noka: Keni lidhje me ndonjë force politike?

Rama: Jo.

Noka-Luan Rames: Je në konflikt interesi, ke të njëjtin mbiemër.

Noka: Gezoni besueshmërinë e publikut?

Ina Rama: Besoj shume. Gjate ushtrimit te funksioneve te mia kam punuar me përkushtim.

Noka: Akuzat ndaj jush bëjnë të humbni besueshmërinë?

Ina Rama: Jo nuk besoj. Nuk ndjehem e politizuar.

Flamur Noka: Jeni skualifikuar nga gjykata e Strasburgut, perse? Keni dijeni për arsyet? 

Ina Rama: Lista u kthye mbrapsht per mos ndjekje te procedurës nga Shqipëria. Arsyet ishin procedurale. Asnjë gjë personale.

Noka: A jeni mirënjohëse ndaj kryeministrit që ngul këmbe t’ju fusi në çdo institucion duke propozuar emrin tuaj?

Ina Rama: Kjo s’ka lidhje me mua.

Noka: Gatë kohës si kryeprokurore keni pasur ceshtje të rëndësishme që jeni akuzuar për përfshirje

Ina Rama: Unë nuk e kam ndjerë veten asnjëherë të politizuar për t’u përfshirë në ceshtje.