Real Madrid është skuadra e parë finaliste e Kupës së Mbretit në Spanjë. "Galaktikët" kaluan pas dy ndeshjeve dhe shtesës Real Sociedadin me rezultatin e përgjithshëm 5-4.

Në "Bernabeu" gjysmëfinalja e kthimit ishte spaktakolare dhe prodhoi emocione të mëdha, me kohën e rregullt që u mbyll 3-4 për baskët. Falë fitores 1-0 në sfidën e parë Real Madrid mundi ta dërgonte ndeshjen me shtesë.

Dueli fillloi me golin e baskëve në minutën e 16-të, aty ku Barrenetxea kaloi mmiqtë në epërsi. Vendasit u përgjigjën me Endrick, i cili pas një pasimi të bukur të Vinicius shënoi një gol "për korzninë". Në pjesën e dytë Real Madrid pësoi dy gola, fillimisht pas autogolit të Alaba dhe realizimit të Oyarzabal.

Real Madrid u "zgjua" dhe në fund barazoi me Bellingham dhe Tchouameni në minutat 82 dhe 86-të. Për ta dërguar ndeshjen me shtesë dhe "vulosur" sfidën 3-4 mendoi Oyarzabal që shënoi golin e dytë personal dhe të katërtin për miqtë.

Sfida iu drejtua kohës shtesë dhe Ancelotti hodhi në fushë Rudiger dhe Guler. Do ishte turku 19-vjeçar që në minutën e 115 do "gatuante" një asist për mbrojtësin gjerman, me këtë të fundit që me kokë e dërgoi sferën në rrjetë dhe me rezultatin 4-4 pas 120 minutave lojë i dha të drejtë Real Madridit që të kalonte në finalen e Kupës së Mbretit.

Sot në orën 21:30 luhet gjysmëfinalja e dytë mes Atletico Madrid dhe Barcelonës, ku përballja e parë ka përfunduar 4-4 dhe pritet spektakël.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 4 Prill, 10:21

    Nafta arrin në 224 lekë/litri, a është e mjaftueshme vetëm ulja e akcizës?

Lajme të tjera