VIDEO/Arrestimi i 39 personave që
trafikuan 1 mijë shqiptarë në SHBA

REPORT TV ka siguruar pamjet e momentit të arrestimit të 39 personave nga Policia e Shtetit, që dërguan një mijë shqiptarë në SHBA, Kanada dhe Angli. Nga 51 persona në kërkim, 39 u arrestuan në Shqipëri, mes tyre 4 policë, ndërsa për 12 të tjerët (2 bullgarë) po punohet për prangosjen. Drejtori i Policisë së Shtetit Ardi Veliu ka zbardhur emrat e 39 personave që u arrestuan, ndërsa ka dhënë detaje për operacionin. Katër policët e arrestuar janë me detyrë kontrollorë në Pikat e Kalimit Kufitar, Hani i Hotit dhe Qafë Thanë, të cilët kanë shpërdoruar detyrën duke mos kryer regjistrimin e shtetasve të kontrabanduar.

Operacioni i drejtuar nga prokurori Eguen Beci është zhvilluar gjatë natës në disa qytete në Shqipëri, Tiranë, Lezhë, Kukës, Fier, Dibër, Shkodër dhe Korçë. Hetimi për bandën kishte nisur prej disa mujash, ndërsa mbrëmë u finalizua. REPORT TV ka siguruar pamjet e momentit të arrestimit të 39 personave nga Policia e Shtetit, ndërsa operacioni ka nisur që në dhjetor dhe është finalizuar mbrëmë. Nga kontrollet, personave që u arrestuan u janë sekuestruar shumë dokumente, pajisje që shërbenin për falsifikimet, por edhe shuma të ndryshme monetare.

U sekuestruan provat materiale
Gjatë kontrollit të ambjenteve dhe vendeve të dyshuara që përdoreshin nga autorët, janë gjetur dhe sekuestruar disa prova materiale si:
•             10 njësi qendrore (kompjuteri)
•             8 printera lazer me ngjyra
•             15 laptopë, 3 I-padë,
•             56 aparate telefonash
•             1ë automjete
•             5,600 euro, 1,000 $ dhe 3 400 000 lekë
•             5 pasaporta ndërkombëtare shqiptare
•             Sasi dokumentash të ndryshme, si pasaporta e karta ID të kombësive të ndryshme, vula dhe elementë stampimi
•             1 armë zjarri automatike model 56 dhe 13 fishekë
•             1 armë gjahu

EMRAT E 39 SHQIPTAREVE TE ARRESTUAR NGA POLICIA
 

d.b/shqiptarja.com