GJERMANI - Bayern Munich është edhe zyrtarisht kampioni i Bundesligës për sezonin 2025-2026. Bavarezët sigurojnë titullin katër javë para fundit, duke kryesuar me 15 pikë diferencë ndaj Borussia Dortmund të vendit të dytë. Ky është titulli i 35-të në historinë e klubit, duke konfirmuar dominimin e tyre në futbollin gjerman.

Në ndeshjen e sotme ndaj Stuttgart bavarezët triumfuan 4-2 me përmbysje, në një përballje plot ritëm dhe emocione. Miqtë kaluan të parët në avantazh në minutën e 21-të me Chris Fuhrich, i cili realizoi një gol të bukur me të majtën brenda zonës.

Reagimi i Bayern ishte i menjëhershëm dhe ‘shkatërrues’. Brenda vetëm gjashtë minutash, vendasit përmbysën gjithçka, fillimisht barazoi Raphael Guerreiro në minutën e 31-të pas asistit të Jamal Musiala, më pas Nicolas Jackson kaloi ekipin në avantazh në minutën e 33-të, ndërsa Alphonso Davies realizoi golin e tretë në minutën e 37-të me një goditje elegante.

Në pjesën e dytë, protagonisti i zakonshëm Harry Kane ‘vulosi’ fitoren me golin e katërt në minutën e 52-të. Në fund, Chema Andres shënoi për Stuttgart, por pa ndryshuar fatin e ndeshjes.

Me këtë fitore, festa ‘shpërtheu’ në ‘Allianz Arena’, ku Bayern Munich kurorëzon një sezon dominues me një tjetër titull kampion.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 18 Prill, 08:22

    Si ju duk strategjia e drejtorit Hita në organizimin e policisë gjatë protestës së PD?

Lajme të tjera