LONDER-Rrjeti gjigant britanik, BBC ka transmetuar mbrëmjen e djeshme një episod që nuk i ka pëlqyer thuajse asnjë shikuesi.

Episodi humoristik titullohej “Shtëpiaket e ISIS” marrë shkas nga filmi amerikan “Shtëpiaket e dëshpëruara”. Por ky episod ka synim të ironizojë femrat xhihadistë.
 
Ato paraqiten duke bërë selfie dhe duke diskutuar për meshkuj, teksa mbajnë të veshur jelekë vetëvrasës.
 
“Për tre ditë kam ekzekutimin e radhës dhe nuk di se çfarë të vesh”, thotë një prej personazheve.
 
“Suprizë! Ahmed më bëri dhuratë këtë jelek me eksplozivë, ju pëlqën?”, thotë një prej tyre ndërsa mikeshat e tallin se do e publikojnë me hashtag në Intagram.

Por ky episod humoristik sa është pëlqyer, por dhe është kritikuar në rrjete sociale.

“Shumica e femrave xhihadiste janë marrë peng nga familjet e tyre, si mund të bëni humor me to?’, shkruan një përdorues, teksa një tjetër e përshkruan skeçin e BBC si “humor pa pikën e shijes dhe sjellje pa pikën e moralit”.

Por të tjerë thonë se; “Shumë femra britanike kanë shkuar në Siri dhe janë kthyer në xhihadiste. Ky filmim është një mësim i mirë për të gjitha vajzat që i gënjen mendja se në Siri i pret lumturia, dhe se luftëtarët atje nuk i respektojnë femrat ashtu sic hiqen kur përpiqen tua mbushin mendjen për ti tërhequr në tokën e luftës”.

Vetë BBC nuk ka reaguar mbi kritikat e bëra për “Shtëpiaket e ISIS”.

(d.b/Shqiptarja.com)