Presidenti amerikan, Joe Biden ka bërë gafën e radhës ku këtë herë ngatërroi këngëtaren Britney Spears me këngëtaren Taylor Swift në një dalje para gazetarëve. 

Presidenti amerikan, i cili sot mbushi 81 vjeç, ishte në mes të faljes së dy gjelave - Liberty dhe Bell - në ceremoninë vjetore të Shtëpisë së Bardhë përpara festës së Falenderimeve, kur ai përdori emrin Britney në një referencë të dukshme për turneun aktual të Taylor Swift jashtë shtetit.

"Vetëm për të arritur këtu, Liberty dhe Bell duhej të mposhtnin disa shanse të vështira dhe konkurrencë. Ata duhej të punonin shumë, të tregonin durim dhe të ishin të gatshëm të udhëtonin mbi 1000 milje. Mund të thuash se është edhe më e vështirë sesa të marrësh një biletë për turneun e Rilindjes ose, ose turneun e Britney. Ajo është poshtë, është disi ngrohtë në Brazil tani", tha Biden, raporton Sky News.

Spears nuk është aktualisht në turne dhe as Beyonce e cila përfundoi turneun e saj të Rilindjes në tetor. Megjithatë, Swift është në mes të një turi ndërkombëta, ku ajo e shtyu koncertin e saj në Rio të shtunën për shkak të nxehtësisë ekstreme .

Një ditë më parë, një fanse 23-vjeçare kishte vdekur në shfaqjen e parë të këngëtares Eras Tour në qytetin brazilian. Koncerti i së shtunës u ricaktua për të hënën. 

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera