Të gjitha fluturimet në aeroportin Luton, Britani e Madhe, janë pezulluar, pas shpërthimti të një zjarri në një parking të terminalit. Qindra njerëz tani janë të bllokuar në Luton, pa asnjë mënyrë për të shkuar në shtëpi.

Shërbimi zjarrfikës njoftoi se në parkingun e makinave mund të kenë qenë rreth 1200 automjete, të cilat janë dëmtuar. Katër zjarrfikës dhe një anëtar i stafit të aeroportit u dërguan në spital, për shkak të asfiksisë nga tymi.

Fluturimet janë pezulluar deri në orën 12:00 për sigurinë e pasagjerëve dhe stafit. Aeroporti tha se një zjarr në makinë ishte përhapur pa dhënë detaje të mëtejshme. Pamjet e shpërndara në internet tregojnë flakë të mëdha dhe tym që fryn nga kati i fundit i ndërtesës, raporton NewsSky.

Pesëmbëdhjetë makina zjarrfikëse morën pjesë në flakët që preku gjysmën e strukturës shumëkatëshe.

Aeroporti Luton i Londrës është aeroporti i pestë më i madh në Mbretërinë e Bashkuar pas Heathroë, Gatëick, Manchester dhe Stansted, duke transportuar më shumë se 13 milionë pasagjerë në 2022.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera