VIDEO/ Drift në mes të qytetit të Bulqizës dhe poston videon në rrjetet sociale, arrestohet dhe gjobitet shoferi

Policia rrugore në Dibër arrestoi drejtuesin e një makine që bëri manovra të rrezikshme në Bulqizë dhe më pas e postoi video-n në rrjete sociale.

Policia e identifikoi shoferin e makinës përmes targës dhe shenjës së dallimit, flamurit shqiptar mbi makinë, dhe ndaj tij u vendos gjobë 40 mijë lekë.

“Kreu manovra të rrezikshme (drift) me automjet, në kryqëzimin mes dy qyteteve dhe më pas e postoi video-n në rrjete sociale, falë bashkëpunimit me qytetarët, identifikohet, kapet dhe ndëshkohet me masë administrative, drejtuesi i automjetit.

LEXO EDHE:
Këshilltarët e Doshit bëhen bashkë me Rithemelimin në Dibër, kërkojnë informacion për hidrocentralin e Skavicës! Dështon mbledhja e Këshillit Bashkiak

Shërbimet e Policisë Rrugore Dibër në bashkëpunim me shërbimet e Komisariatit Bulqizë, pas publikimit të një video-je në rrjetet sociale, në të cilën shfaqet një drejtues automjeti, në kryqëzimin mes dy qyteteve në Bulqizë, duke kryer manovra të rrezikshme (drift) me automjet dhe duke u bërë burim aksidenti për vete dhe përdoruesit e tjerë të rrugës, falë veprimeve të shpejta dhe profesionale, si dhe falë bashkëpunimit të ngushtë me qytetarët, u bë e mundur identifikimi dhe shoqërimi i shtetasit A.Sh.,  që shfaqet në video”, njofton policia.

SI.E./Shqiptarja.com

TAG:
• drift
• policia e Dibres
• Diber