Në Rrogozhinë, Egnatia fitoi 3-0 me Partizanin në javën e 10-të të Superligës. Skuadra e Egnatias ia del që të marrë fitoren e dytë radhazi me Shpëtim Duron në stol. Pas Kukësit, rrogozhinasit kalojnë edhe kryesuesit e Partizanit që "dridhen" por mbeten ende në vendin e parë.

Ndeshja do vendosej në shtesën e pjesës së parë. Prekja me dorë e Bitrit në zonë u kthye në një penallti për vendasit, që shënuan me Fernando në të 45+2 minutë. Teksa dukej se pjesa e parë do mbyllej, një gafë e Bitrit dhe një kundërsulm "vrasës" i Egnatias dërgoi Zejnullain te goli. Me avantazhin e dy golave, pjesa e dytë u zhvillua e qetë për vendasit dhe pa agresivitetin e duhur nga Partizani. Djemtë e Colella u ndëshkuan nga dopieta e Zejnullai në minutën e 70, për një gol vërtet të bukur. Me këtë fitore Egnatia shkon në vendin e katërt me 15 pikë, teksa Partizani me 19 pikë është në krye të renditjes, një më shumë se Tirana ndjekëse.


Lajmi kryesor:

VIDEO/ 'Lumë' golash në Superligë, Tirana fiton me Kukësin! Egnatia 'leksion' Partizanit, 'Demave' iu kërcënohet kreu
S.Dh/Shqiptarja.com
  • Sondazhi i ditës: 14 Mars, 23:51

    18 vite nga Gërdeci, a besoni se do ndëshkohen përgjegjësit e vërtetë?

Lajme të tjera