VIDEO/ Futet nga stoli dhe shkakton penallti, Kumbulla me Sassuolon në Serie B! Mirlind Daku tjetër gol në Rusi

VIDEO/ Futet nga stoli dhe shkakton penallti, Kumbulla me Sassuolon në Serie B! Mirlind Daku tjetër gol në Rusi

Kumbulla dhe Daku

Futbollistët e Kombëtares këtë të diel kanë qenë protagonistë me ekipet e tyre, për mirë apo keq. Në Serie A, Marash Kumbulla nuk e kishte një ditë të mirë duke shkaktuar penallti në humbjen e Sassuolos, me ekipin e shqiptarëve që rrëzohet në Serie B. Ndërkohë në Rusi te goli doli Mirlind Daku.

Për raundin e 37-të të Serie A, Sassuolo u mposht 0-2 nga Cagliari. Me këtë disfatë skuadra e Marash Kumbullës dhe Nedim Bajramit rrëzohet në Serie B. Mbrojtësi u fut në minutën e 20-të në vend të Erlic, ndërsa në fundin e sfidës shkaktoi penallti, me sardët që shënuan golin e dytë. Pas autogolit një javë më parë, 24-vjeçari shkakton penallti kundër Sassuolos për t'i vënë "vulën" një sezoni "jo".

Ndërkohë që në fundin e këtij muaji Kumbulla do lërë Sassuolon ku luan në huazim për t'u rikthyer te Roma.

Në Rusi, Spartaku i Moskës fitoi 3-1 kundër Rubin Kazan. Për miqtë golin e vetëm e shënoi Mirlind Daku. Asisti i Shabanhaxhaj në minutën e 77-të bëri që Daku mos gabonte me një të djathtë të saktë. Paçka humbjes së të tijve, Daku e dërgon në tetë numrin e golave sezonalë.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Gjykata e Apelit i jep vulën e PD-së Berishës, si e vlerësoni?



×

Lajmi i fundit

Duka në ‘Repolitix: Në 2025 PAA në zgjedhje, por ju unë si deputet

Duka në ‘Repolitix: Në 2025 PAA në zgjedhje, por ju unë si deputet