Ministri për Evropën dhe Punët e Jashtme, Igli Hasani, në cilësinë e Presidentit të Këshillit të Sigurimit të OKB, ka kryesuar takimin “Armeni – Azerbajxhan” në të cilën u trajtua përshkallëzimi i fundit ushtarak në rajonin e Nagorno-Karabakut.
Ministri Hasani u shpreh në fjalën e tij se, “raportimet për përplasje ushtarake, me pasojë humbje në jetë njerëzish ishin shqetësuese. Kemi ndjekur me interes zhvillimet e fundit në terren”.
Ai theksoi se, argumentet e paraqitura nga palët ndryshojnë shumë.
“Azerbajxhani pretendon se Armenia po organizonte akte armiqësore. Armenia vlerëson se ky ishte një sulm ushtarak në shkallë të gjerë kundër popullsisë civile”, tha Hasani.
Sipas tij, këto konfirmojnë brishtësinë ekstreme të situatës dhe mosbesimin e madh mes palëve.
Hasani përsëriti thirrjen që të mbahet prioritet mbrojtja e civilëve dhe ruajtja e zonave të banuara.
“Pavarësisht sa komplekse mund të jenë problemet, konfrontimi ushtarak nuk është zgjidhja.Ne bëjmë thirrje për përmbajtje, qetësi, paqe dhe dialog”, theksoi ai.
Hasani gjithashtu përshëndeti arritjen e marrëveshjes së armëpushimit për të ndaluar veprimet ushtarake.
“Të dyja palët duhet t’i përmbahen kësaj marrëveshjeje dhe të shmangin çdo përshkallëzim të mëtejshëm”, tha ministri për Evropën dhe Punët e Jashtme.
Më tej Hasani theksoi mbështetjen për përpjekjet Armeni-Azerbajxhan për të arritur një paqe të qëndrueshme.
“Procesi i normalizimit duhet të intensifikohet. Negociatat për një traktat paqeje duhet të vijojnë”, tha ai.
Ministri u shpreh se është inkurajues fakti që udhëheqësit e dy vendeve kanë rikonfirmuar publikisht angazhimin e tyre ndaj Deklaratës së Almatit
“Respektimi i ndërsjellë i sovranitetit dhe integritetit territorial, bazë solide për të trajtuar dhe zgjidhur mosmarrëveshjet. Shpresojmë që takimi i planifikuar në Yevklah do të sjellë rezultate pozitive”, nënvizoi Hasani.
“Të drejtat e armenëve etnikë që jetojnë në Azerbajxhan duhet të respektohen. Nëse respektohen, komunitetet dhe pakicat kthehen në një vlerë të shtuar për shoqërinë e një vendi. Mund të shërbejnë si urë për marrëdhënie paqësore dhe miqësore midis vendeve fqinje”, u shpreh ndër të tjera, Hasani.
Lajme të tjera
-
Bashar Al-Assad rrezikon gjykimin për krime ndaj njerëzimit në Gjykatën Penale Ndërkombëtare
25 Dhjetor, 14:16 -
Kazakistan/ Rrëzohet avioni me 67 pasagjerë në bord! 38 viktima dhe 29 të mbijetuar! Detajet e para nga hetimet (VIDEO)
25 Dhjetor, 08:46 -
Autoritetet e reja të Sirisë të hapura për hetimin e krimeve të Assadit
24 Dhjetor, 08:26 -
Jemeni sulmon Izraelin me raketë, 16 të plagosur në Tel Aviv!
21 Dhjetor, 22:50 -
Sulmet me raketa ruse dëmtojnë ambasadën shqiptare në Kiev! Reagon Tirana: Brutale! Hasani thërret ambasadorin rus, i shpreh protestën e qeverisë shqiptare (VIDEO+FOTO)
20 Dhjetor, 14:50 -
Ministri i Jashtëm Hasani pret homologun nga Polonia: Zgjerimi i BE, prioritet edhe i presidencës polake
19 Dhjetor, 16:07 -
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
Lindja e Mesme/ Al Jolani: Nuk duam konflikte, edhe gra në qeverisje! OKB: Procesi politik në Siri të jetë gjithëpërfshirës! Hapet aeroporti i Damaskut
18 Dhjetor, 09:34 -
Lufta në Gaza e Siri, Trump telefonatë me Netanyahun: Marrëveshje për pengjet dhe armëpushim, ndryshe...! Al-Jolani takon të dërguarin e OKB
16 Dhjetor, 08:33 -
I dërguari i OKB-së në Siri thirrje për heqjen e sanksioneve nga BE dhe SHBA
15 Dhjetor, 16:22 -
SHBA-Adriatik, Igli Hasani: Agresioni rus në Ukrainë ka rritur tensionet në Rajon! Sulmi terrorist në Ibër-Lepenc, ndërkombëtarët të japin mesazhe të qarta
13 Dhjetor, 17:50 -
OKB e shqetësuar për përshkallëzimin e dhunës në Mianmar
13 Dhjetor, 07:29
