Kombëtarja shqiptare e futbollit u mposht 2-0 nga Anglia në 'Wembley' të Londrës. Sfida e Grupit K kualifikues për Kupën e Botës 2026 nuk kishte histori dhe "Tre Luanët" siguruan tri pikë.

Në konferencën zyrtare pas ndeshjes trajneri ynë Sylvinho tha se i motivoi të tijtë dhe shpresonte te barazimi, duke treguar se merr këshilla nga Arsene Wenger, ish-trajneri i tij te Arsenali.

“Në pushimin e ndeshjes u thashë lojtarëve që kemi mundësi të barazojmë. Provuam edhe Brojën që bëri shumë mirë në atë pjesë. Broja ka që në 9 janar që nuk luan dhe prej 10 ditësh ishte në pankinë me Evertonin. Nuk ishte i gatshëm fizikisht për 90 minuta me ne, por ai na ndihmon qoftë 40 apo 45 minuta”, tha Sylvinho.

Trajneri më pas tregoi se komunikon me Arsen Wenger në raste të veçanta.

“E kam takuar gjatë Europianit dhe gjatë shortit të Botërorit. Kur kam ndonjëherë probleme, mund t’i marr ndonjë këshillë. Sigurisht që nuk flas çdo ditë, por kam mundësi të komunikoj me të”, tha Sylvinho për ish-trajnerin e Arsenalit dhe një nga ekspertët e fushës së trajningut.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Janar, 11:12

    Çfarë prisni nga Viti i Ri 2026?

Lajme të tjera