Kryetari i Partisë Demokratike, Sali Berisha është bërë lëmsh gjatë konferencës për mediat teksa po mbronte protestuesit e dhunshëm që hodhën molotovë në drejtim të efektivëve.

Ndërsa po krijonte skenarët imagjinarë, se kryeministri Edi Rama kishte planifikuar ekzekutimin e protestuesve, Berisha u bë lëmsh dhe nuk gjeti dot emrin e protestuesit që po kërkonte.

“Ilir Lleshi, më falni...Ilir...urdhëro...Shtufi...jo shufi...Tufi. Ilir Tufi protestues i vazhdueshëm në protestat tona, po filmonte, në një kohë kur e godasin snajperët në ballë. Goditja me plumba gome në kokë provohet në të shumtën e rasteve vdekjeprurëse”, tha Berisha.

Madje, në tentativë për të gjetur emrin e protestuesit, i cili sipas tij ishte qëlluar me plumba gome, Berishës i shkoi mendja edhe tek biznesmeni Ilir Shtufi, një emër i përfolur edhe për lidhje me familjen dhe djalin e tij Shkëlzen Berisha.