Në "San Siro", Interi mposhti 3-0 Fiorentinën duke u rikthyer te suksesi pas humbjes me Napolin. Pjesa e parë u mbyll pa gola, paçka se të dyja skuadrat kishin disa mundësi të mira shënimi. Gjithçka u zhbllokua në minutën e 66-të, kur Calhanoglu lëshoi "një predhë" nga jashtë zone. Fundi i udhës ishte rrjeta dhe tifozët zikaltër nisën festën. Pesë minuta më vonë, Petar Sucic "vulosi" tri pikët me një gol të bukur. Kroati bëri cfarë deshi me mbrojtjen mike dhe në fund mposhti pa shumë vështirësi De Gean. Në të 88' Calhanoglu shënoi dopietën personale nga 11 metërshi. Me 18 pikë Interi mban vendin e tretë, paçka se me pikë të barabarta me Milanin.


Lajmi kryesor:

GOLAT/ Roma me hap kampioni, ndjek këmba-këmbës Napolin! Juventusi fiton 'pa trajner', Interi tri pikë me supergola në Serie A


S.Dh/Shqiptarja.com
  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?